نشوى مصطفى للسيسي: ربنا يجبر بخاطرك

وجهت الفنانة نشوى مصطفى، رسالة للشعب المصري بعد شفائها من فيروس كورونا، قائلة: "أبوس إيديكم لو بتحبوا ربنا وبتحبوا ولادكم إتقوا شر الالم الي أنا حسيت بيه حافظوا على نفسكم علشان ولادكم وأكل عيشكم كلنا على باب الله".
وأضافت في مداخلة هاتفية مداخلة هاتفية عبر برنامج " كلمة أخيرة " الذي تقدمه الاعلامية لميس الحديدي على شاشة " ON" قائلة: "كلنا على باب الله وماشيين بالارزاق عشان أكل عيش ولادكم مش هينفع لو إنت عامل أو صنايعي ترقد .. حافظ على نفسك أرجوك بالكمامة .. كمامة تمنها 3 جنيه هيحافظوا عليكوهيخلوك لبيتك واولادك
".
وتابعت: "أنا كان معايا فلوس بس مافيش مستشفى كانت عاوزة تقبلني من المستشفيات الخاصة لكن مستشفى بلدي العامة الحكومية قبلتني أنا عندي فلوس وربنا ساترني بس مكنتش بقدر أحط في بقي لقمة ..الفلوس مش مهمة لما تبقى معاكي ومافيش مستشفى راضية تقبلك أو قادرة تاكلي حتى .. الصحة ياجماعه أهم من اي حاجه في الدنيا .. والنبي ماتستهونوا " كورونا ط دي صعبة جداًُ أصعب من ألم الولادة ..فيه ناس ربنا بينعم عليهم وتبقى خفيفة بس
إنت هتضمن منيين إنها هتجيلك خفيفة".
وإختتمت مداخلتها موجهة الشكر لمبادرة 100 مليون صحة التي أطلقت قبل عامين قائلة: "لازم اشكر مبادرة بدأت من سنتين والرئيس قال وقتها لازم 100 مليون مصري ينزلوا يكشفوا وهي مبادرة 100 مليون صحة ببلاش لفيروس سي وسكر وبالصدفة أمي وقتها إكتشفنا إن عندها فيروس كورونا، وأمي دي نور عنينا العلاج كان بره ومكلف جداً وأمي تعالجت أنا مستورة لكن غيري لا لكن في النهاية أمي إتعالجت في مستشفى حميات إمبابة وأمي إتعالجت ببلاش وهي بصحة جيدة".
ووجه الفنانة رسالة للرئيس عبد الفتاح السيسي، قائلة: "سيادة الرئيس ربنا يجبر بخاطرك زي ماجبرت بخاطر كل الناس الي بتعاني من فيروس سي .. والنهاردة الرئيس برضه جبر بخاطري ورجعني ليهم برضه وإتعالجت في مستشفى عام".