بلال فضل:"السلطان محمد مرسى المتراجع بأمر الله"

"من يوميات أخ" .. هى العبارة التى بدأ بها الكاتب والسيناريست بلال فضل عدة تغريدات لاذعة، على حسابه الشخصي على موقع التواصل الاجتماعى تويتر، ينتقد خلالها سلوك الأفراد المنتظمين داخل جماعة الإخوان المسلمين، اختتمها بتغريدته :" السلطان محمد مرسي المتراجع بأمر الله"، تعليقا على تراجع الرئيس عن قراره برفع الأسعار.
وعن يوميات أخ، انتقد فضل عقلية اتباع الإخوان التى تعتمد على السمع والطاعة، وتنحية التفكير فى أى قرارات يتخذها قادة الإخوان، قال:" من يوميات أخ: اللي يتفق معايا في الرأي حيادي ومنصف وفي قلبه خير كبير هو لايعلمه. لما يختلف معايا يبقى نخبة متعفنة مأجورة. هما قالوا لي كده".
"من يوميات أخ: إيه ده هو مش أخونا اتقتل إمبارح عشان يدافع عن قرار الريس اللي لغاه الريس النهارده. طب مش لازم لما أنزل تأييد بعد كده أفكر الأول؟".
"من يوميات أخ: ليه ممكن أفكر في كلام اللي بيعارضوا رئيسي. هو أنا كان حد عودني أفكر وأنا قلت لأ. التكفير أحلى من التفكير وأرخص وباخد بيه حسنات".
"من يوميات أخ: هو أنا مش فاهم موضوع الضرايب ولا عارف أصلا إذا كان هيبهدلني أنا وعيلتي بس رئيسنا فاهم وبيصلي الفجر ولازم أطبل له عشان آخد أجر".
"من يوميات أخ: مبارك خائن عشان مافتحش الأبواب لتحرير فلسطين. بس مرسي كمان قافل الأبواب ضبة ومفتاح. وماله القدس في قلوبنا ولو محتلة ورئيسي فاهم".
"من يوميات أخ: أمريكا هي الطاغوت. بس الواشنطن بوست قايلة إن مرسي "رجلنا في القاهرة" وقادتكم رايحين جايين على هناك. وماله الحرب خدعة ورئيسي فاهم".
"من يوميات أخ: البرادعي وحمدين وأبو الفتوح وموسى خونة عايزين يولعوا في البلد بس رئيسك استقبلهم وهات يابوس ومودة. وماله رئيسي واعي وفاهم كل حاجة".
"من يوميات أخ عامل: مارفعوش الضرايب غير على الخمرة والسجاير.إيه ده رفعوها على 12 بند كمان والأسعار هتولع. طب وماله دي حكمة الرئيس ولازم نستحمل".