جماهير الزمالك على تويتر تدافع عن ساسي بعد مباراة المصري

استطاع الزمالك الفوز على المصري في الجولة ال 31 من الدوري المصري الممتاز بهدف نظيف، سجله محمود علاء من ركلة جزاء، فيما شهدت المباراة تلقي التونسي فرجاني ساسي لبطاقة حمراء بعض الاعتراض على حكم المباراة.
اقرأ أيضا: الزمالك يتقدم بمذكرة لاتحاد الكرة ضد جماهير المصري
وأثار هذا الأمر الجدل على موقع التواصل الاجتماعي "تويتر" فنقسم رواده إلى قسمين مدافع ومهاجم لخط الوسط التونسي.
إبراهيم كتب " الزمالك بينزل كل ماتش ب 11 لاعب وضربتين جزاء مكافأة ليهم عشان يلحقوا المركز التاني".
أيمن جلبيرتو قال " فرجاني ساسي كان بينفذ التعليمات اللي اتصرح بيها على الهواء مباشرة في قناة الزمالك".
حساب لمشجعي الزمالك كتب هو ليه الربط بين طرد ساسي وأنه عايز يمشي ، بلاش
نعمل حوارات وخلاص ، ساسي غلط ونرفزه ملعب وآخره ايقاف ماتشين ، وبتحصل مع اي لعيب كبير بس شغل الخيانه بقي وأنه بيعمل كده عشان يمشي من الزمالك دا هبد كبير ، الحكم قذر ودا برده السبب ، كل الدعم ل ساسي والمهم افريقيا أن شاء الله يا رب".
حساب الزمالك فانز كتب " تيجانا علي قناة الزمالك : الحكم تغاضي عن حماية ساسي من ضرب الخصم مرتين ويا ريت نعرف الطرد ليه وخاصة ان الحكم اشهر الكارت الاحمر فى ضهر ساسي وقبل اى كلام".
عبد اللطيف فوزي قال " لابد من
وقفه كبيرة من نقابه الصحفيين تجاه ما حدث من " بلطجه " لاعبي المصري ضد جميع الزملاء مصوريين وصحفيين في مباراه الزمالك مساء اليوم في ستاد برج العرب كل الناس دي رايحه تشتغل وبتصور وبتنقل اللي حصل .. مش معقول يتم التعدي عليهم وتكسير هواتفهم ومعدات التصوير عشان بيشوفوا شغلهم".
حامد قال " هل يجرؤ اتحاد الكرة بتطبيق اللائحه ومعاقبة ساسي على ما بدر منه تجاه الحكم الليلة ومعاقبة الزمالك ورئيسه على تصريحاته السابقه بأوامر للاعبين بالتعدي بالضرب على أى حكم، أم ان الإجابة معروفة، مواصلة الانبطاح والخوف من مرتضى منصور ! طبقوا اللايحه يا جبناء".
احمد سمير مهند كتب " والله العظيم ومش هزار ماتشات الزمالك بقت ماتنفعش لمريض ضغط ولا قلب ولا سكر ولا اقل من 18 سنة ولا الحامل ولا اللي سايق ولا قاعد في شغله .. مش عارف هانكمل افريقيا بكام واحد عايش مننا".