طرح مطرب المهرجانات أوكا، أول عمل فني له بعد انفصاله عن أورتيجا والذي تحمل اسم " هأأو "، من كلمات ايسو ومن توزيع أوكا، وهى من نوعية أغانى المهرجانات وشارك في تقديمها "هيصة". وكان قد أعلن المطرب الشعبي "أورتيجا" إنفصاله فنياً، عن أوكا بعد تعاون إستمر منذ أكثر من 10 سنوات. وقال: "بخصوص "أوكا وأورتيجا" علشان كل الناس اللي بتقعد تبعت أنتوا ليه مبقتوش مع بعض أنتوا متخانقين، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة لجمهور أوكا وأورتيجا". وأضاف: "أوكا أخويا وعشرة حياتي وصديق كفاح وشفنا كل حاجة حلوة ووحشه مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول، خالص يا جماعة إحنا كل القصة أن أوكا بقى لوحدة وأورتيجا بقى لوحدة وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا احنا الاتنين ويوفقنا". وتابع، "ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق ورنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط". يذكر ان الثنائي الشهير "اوكا و اورتيجا " قدما عدد كبير من الحفلات خلال مشوارهما في مصر والدول العربية، و خارج الوطن العربي، ومن أشهر أغنياتهم "هاتي بوسة يا بت"، "العب يالا"، "دلع بنات"، دوس بنزين"، "سوري"، و "لغة العيون".