فيديو.. حلا شيحة: "الفن حتة مني ومقدرش ابعدعنه"

كشفت الفنانة حلا شيحة، عن أسرار آخر تدوينة لها على حسابها عبر انستجرام قائلة: "دي رسالة لنفسي .. وبوجها لكل الناس اللي بيتعرضوا لكلام ممكن يضايقهم زي مانا اتعرضت لكلام من وقت لرجوعي إلى الآن".
وتابعت خلال اتصال هاتفي ببرنامج "القاهرة الآن" المذاع على قناة "الحدث"،: " دي صفحتي الفنية ولحد دلوقتي لما بنشرأي حاجة تخص عملي في الإستدويهات أو شغلي بلاقي ناس بتشتم فيا .. ودي حاجات غريبة
مش فاهماها .. لا أعتقد أن ده الجمهور بتاعنا وأعتقد أنهم لجان إلكترونية موجهة هدفها إيذاء الفنان".
وأضاف:" في بعض الأحيان بعدي وأحياناً بضايق زي أي حد "، واصفة الهجوم عليها منذ عودتها بالطاقة السلبية مشيرة إلى أن الاعتراض لابد أن يكون باحترام وبطريقة بسيطة غير توجيه النصيحة بشكل مؤدب ولذلك كتبت التدوينة دي".
واستطردت :"سعيدة برجوعي .. أنا بحب الفن أنا مولودة وجوايا حتة فنية .. صحيح أنا من عائلة فنية لكن أنا فنانة منذ صغري بحب الموسيقى وكل الأنواع ... الفن حتة مني " .
وعلقت على فترة غيابها قائلة " كنت محتاجة الفترة دي ولازم نعرف أن أي حاجة بتحصل ليها سبب وحكمة من عند ربنا ..كان نفسي أخلف ويبقى عندي ولاد فاختفيت ورجعت بعد 12 سنة بعد ماعملت الي أنا عاوزاه .. وده طبيعي في محطات الحياة"، مردفة: "الإنسان بيتغير في مراحل عمره بيبقى مختلف في العشرين غير الثلاثين أو الاربعين".
شاهد الفيديو..