أحيت الفنانة زينة ذكرى وفاة والدها طالبة من جمهورها ومحبيها الدعاء له، وذلك عبر حسابها الرسمي على موقع تبادل الصور والفيديوهات الشهير "إنستجرام". وكتبت زينة عبر صفحتها قائلة : "من كتر ما أنا بحبك نفسي أعاتبك أني بقالي 12 سنةً ماشفتكش وكأنه بايدك يا أبويا استغفر الله العظيم اللهم لا اعتراض.. أنت ارتحت وأنا اللي بموت كل يوم منغيرك يا بابا.. أنت أكيد مبسوط بس أنا لا المهم راحتك بس وحشتني اوي ومفيش طعم لحاجه منغيرك صايصة كده ومالهاش لازمه الدنيا". وتابعت : "الله يرحمك ويعفو عنك في الجنة ونعيمها ويارب يكون بيوصلك سلامي ودعائي وتكون عارف ان زي ما أنت عشت علشاني أنا واخواتي احنا كمان عايشين علشانك دلوقتي اخواتي احلي ذكري من ريحتك وصلبك يا غالي.. ارجوا منكم الدعاء بالرحمة والمغفرة لأغلي مخلوق في قلبي وعقلي أبويا ويرحم كل أب يارب".