بكوميكسات "الأجازة الحرام" الطلاب تستعد للفصل الدراسي الثاني

دشن طلاب المرحلة الجامعية من رواد مواقع التواصل الإجتماعي هاشتاج بعنوان"الاجازة الحرام" بجانب أخر بعنوان "الترم التاني"، تزامنًا مع نهاية أجازة نصف العام التي قررتها وزارة التعليم العالي و بداية الفصل الدراسي الثاني غدا يوم السبت الموافق 8 فبراير، معبرين بشكل ساخر عن عدم استعدادهم للدراسة، مما سيجعلهم يمدوا فترة الأجازة بشكل فردي عدة أيام أخرى.
إقرأ أيضًا: عشاق الكرة المصرية يساندون لاعب الزمالك ب" ادعم سعد محمد" عبر مواقع التواصل
وانهال النشطاء بالكوميكسات والتعليقات الساخرة من بداية الفصل الدراسي الثاني قبل أن تظهر نتائج امتحانات الفصل الدراسي الأول وقال أحدهم:"ألو عميد الكلية !!. طب حضرتك دلوقتي الترم التاني كمان يوم وانا معرفش نجحت
ولا لاء يعني عرفونا عشان لو شايل مواد وهعيد السنه متعبش نفسي الترم التاني و أنامه!!"، وأضاف أخر:" يا جدعان عرفوني سقط ولا نجحت في الترم الأول وبعدين نبقى نبدأ في الترم التاني".
وسخر البعض من انتشار فيروس كورونا في العالم ولم تؤجل الوزارة الدراسة:" يعني انتواعايزينا نبدأ الترم التاني وفي ڤيروس منتشر، يعني افهم من دا إنكم مش خايفين على صحتنا".
وأكد البعض أنهم لم يحصولوا على القدر الكافي من الأجازة مما سجعل أغلبهم يتغيبوا أول أيام في الدراسة وقال أحدهم:" علميًا بكره أول يوم في دراسة
الترم التاني، عمليًا هو أول يوم في الأجازه الحرام"، وغرد طالب أخر:" ميعاد بداية الترم التاني ده قرار يخص الوزير أما نزولي الكلية ده قرار يخصني أنا فأنا قررت اخد 10 أيام كمان أجازة".
وعلق الكثيرون بشكل كوميدي عن كيفية الاستعداد للترم الثاني، وقالت أحد الطالبات:"هعوض في الترم التاني..بشوف جدول الترم التاني..العوض في الجنة ياجماعة"، وقال أخر:"أنا عندي استعداد اعمل أي حاجة علشان اعوض في الترم التاني.. طب ما تذاكر؟ لا مش للدرجة دي".
وأكدت اخرى أنها حين تتذكر بداية الدراسة والمذاكرة تشعر بالرغبة في البكاء:"فكرة إن الدراسة بكرة وهرجع لقطمه الضهر والسهر على اللوح وإني وقعت الترم الأول ولازم اموت نفسي عشان اعدي الترم التاني كويس دي و الحمل الكبير الي جاي الفترة الي جاية وماتش كل جمعة وكل ده مخليني عاوزة اسيب كل ده و اقعد في اوضتي اعيط والله".