"مفيش إجازة".. أولياء أمور يعترضون على تعديل جدول امتحانات "أولى ثانوي"

أبدى عدد من أولياء الأمور طلاب الصف الأول الثانوي، استيائهم من قرار وزير التعليم الدكتور طارق شوقي، بتعديل جدول امتحانات الصف الأول الثانوي حيث سيستكمل الطلاب امتحانات التيرم عقب إجازة نصف العام.
وأعرب أولياء الأمور على جروب "ثورة أمهات مصر على المناهج التعليمية المصرية" بموقع التواصل الاجتماعي "فيسبوك"، عن قلقهم من اضطرار الطلاب للمذاكرة من بداية العام الدراسي وحتى نهايته.
وقالت رقية يوسف إحدى أولياء الأمور: "للأسف الجدول هيخلي الولاد يمتحنوا الامتحان التاني بعد الإجازة علي طول، يعني مفيش إجازة، يعني الإجازه اللي الأولاد محتاجينها علشان يفصلوا ويرتاحوا حيقضوها مذاكره بردوا.. حسبي الله ونعم الوكيل".
فيما قالت "أم سارة": "وفين بقي الإجازة جانا صدمة".
وعبرت مروة ياسين عن غضبها من إلغاء إجازة نصف العام، بقولها: "كده لغى إجازة نص السنة وزود العبء على أولياء الأمور وبعدين بعد الإجازة هيبدأوا في دراسة الترم التاني وهما بيمتحنوا ولا إيه؟".
أما "ميرا" فوجهت الشكر للدكتور طارق شوقي وزير التربية والتعليم على استجابته لتعجيل الجدول "طبعا شكرا جدا لاستجابتة لمطالبنا وتعديل الجدول"، لكنها طالبت: "ياريت حضرتك تكمل وبلاش الامتحان الثانى للترم الأول يكون بعد إجازة نصف العام، كدة الطلبة هتفضل تذاكر طول الاجازة وبعد الامتحان بردو يكملوا مذاكرة علشان الترم التاني، حرام حضرتك كدة هيفضلوا يذكروا من شهر 8 منذ بداية الدروس حتى شهر 5 وكمان فى ناس بدأت دروس من شهر 7، فحرام ارحمهم دول لسه أطفال".
فيما قالت هند محمود: "استجابه دى يعنى هنفضل نذاكر برده في إجازه نص العام، ودروس شغالة مفيش راحة دي، إيه الإحباط اللي إحنا وأولادنا فيه حسبى الله ونعم الوكيل، لما مش مستعدين ولا في دراسة بمواعيد السنة الدراسية ولا كم المناهج ليه بيطبق النظام لا للنظام الجديد للثانوية؟".
وقالت سماح محمد: "الامتحان التاني اللي بعد نص السنة ده هياخد مجهود ووقت من التيرم التاني اللى المناهج بتاعته كبيرة برضه معنى ذلك إن ولادنا هيفضلوا يمتحنوا امتحانات التيرم التانى طول شهر رمضان".
كان الدكتور طارق شوقي وزير التربية والتعليم، قد أعلن في الساعات الأولى من يوم الإثنين، عن استجابته لرأي الطلاب في الصف الأول الثانوي وأولياء أمورهم، فيما يخص جدول الامتحانات، وكلف رئيس قطاع التعليم العام، تعديل جدول الامتحانات، بما يضمن أداء امتحان مادة واحدة في اليوم، مع وجود فواصل مناسبة، بالإضافة إلى تفادي رأس السنة الميلادية والأعياد الدينية.
وكلف الوزير، بالإضافة إلى ذلك بزيادة الوقت المخصص للامتحانات نظرًا لحداثة التجربة على الطلاب، بالإضافة إلى جدولة الامتحان الأول في نهاية الفصل الدراسي الأول، ثم جدولة الامتحان الثاني للترم الأول بعد إجازة نصف العام.