شاهد.. نصيحة السيسي لوزير الزراعة

وجه الرئيس عبدالفتاح السيسي، نصيحة إلى محمد القصير وزير الزراعة، بخصوص رفع وتطوير ال51 مزرعة للإنتاج الحيواني بوزارة الزراعة قائلا له :" أنا عايز أقولك بما إنك لسة متولي المسئولية.. القضية مش قضية إنشاء... القضية إدارة المنشآت".
وأضاف " السيسي"، خلال كلمته في افتتاح عدد من المشاريع القومية بمحافظة الفيوم، اليوم الأربعاء :" هل تستطيع يامحمد إنك تتابع ال 51 مزرعة كل يوم ؟، إن قلت لي أه هقولك هتنجح .. أنا بقولك إنت محتاج وإنت بترفع كفاء
المزرعة تشوف حل في إدارة الشغل .. ترفع المزرعة وبعدين تبقى مطمن إن العمل بيدار بكفاءة عمل تحقق النجاح".
وتابع السيسي:" النجاح هنا مش فلوس بس ... النجاح هو نجاح المشروع نفسه في الهدف المقام من أجله .. إنت عايز توفر سلالات جيدة أو عايز توفر بأسعار مناسبة... فالبعد الاقتصادي هيكون محطوط في الاعتبار ولكن مش هيكون كل شيء .. ومش هيتحقق ده
إلا إذا كان القائمين على العمل مستعدين يروا هدف سامي جدا في الشغل اللي هما بعملوه .. مش في العائد اللي هما بيأخذوه الذي قد لا يكون مجزي".
واستطرد السيسي:" أنا عايز أقولك قبل ما نتكلم في المواضيع قلي هتحل مسألة رفع كفاءة ال 51 مزرعة دول إزاي ... لو جيت قلت لي إني ممكن أخلي بشكل أو بآخر نسبة للقطاع الخاص وده متاح بالنسبة لك .. وممكن تطلب من الجيش الإدارة علشان تبقى المصلحة مشتركة للقطاع الخاص والدولة " ، متابعا :" أنا أمين على المكان ده ... سوق مصر كبير وأي مشروع ينجح لو يدار بشكل كويس".