وجه المذيع بقناة الشباب والفنان الشاب الساخر أحمد المغير رسالة مصورة عبر موقع "يوتيوب" أمس الجمعة قبل نزوله للاعتصام في ميدان التحرير، واعتبرها وصيته التي يدلي بها في آخر أيام حياته قبل استشهاده في سبيل نيل الحرية والكرامة. قال المغير في مقطع فيديو بثه عبر قناته "pErSpEcTiVeSs": "أنا طول عمرى كان مشهد وفاتي اللي بحلم بيه على طول إني أموت شهيد مسنود لجدار من جدران المسجد الأقصى، بس دلوقتي ولاول مرة في حياتي أحلم يكون مشهد وفاتي مختلف وهو اني استشهد في أي شارع من شوارع مصر وانا بدافع عن حريتها وكرامتها، دلوقتي مش فارق معايا هيعلنوا شفيق ولا مرسي، أنا قررت أعيش على الأرض دى حر وكريم يا إما اعيش حر في قبري". وأضاف: "أنا معنديش عداوة مع أي حد، عداوتي الوحيدة مع الجهة اللي خانت بلدي وعايزة ترجعها تاني لأيام الظلم والقهر والاستبداد". ووجه المغير عدة رسائل أولها للشعب المصري قائلاً فيها: "أنا اكتشفت ان الشعب المصري أعظم وأقوى وأروع شعب في الدنيا، بعد ثورة 25 يناير اني حر وكبير وان مفيش حد زينا، وبقولكم أرجوكم متفرطوش في الاحساس ده، ماترجعوناش لايام ورا تاني، عشان منحسش في يوم بالذل والعار تاني". وتبعتها رسالة أخرى إلي جميع الدول العربية والإسلامية: "أنا عارف ان الكل حاطط أمل علينا، ومستنينا ننتصر وان شاء الله هننتصر، خلوا املكم في ربنا وأملكم في إنك تقوم تثور على الظلم والقهر والاستبداد وتجعل بطولات الشعب السوري والليبي والمصري نبراس لك، أنا بحرض أي شعب مضطهد في العالم انه يثور ضد الطغيان". ووجه رسالة إلى المجلس العسكري قائلا فيها: "انت مش هتقدر تهزمنا، مهما حاولت مش هتقدر، النصر احنا موعودين به من فوق سبع سماوات، القوة جربها مبارك قبل كده ومنفعتوش، ودمي هيكون لعنة عليك وعلى أي حد عايز يرجع البلد لأيام زمان تاني". وقال المغير لشباب الاخوان المسلمين: أنتم دخلتم مرحلة التمكين، إياكم والسكوت عن الظلم والخطأ، إياكم والتبريرات وتقديس وتعظيم الأشخاص"، بينما قال لقادة جماعة الاخوان المسلمين: "انتم محملين بمسئولية رهيبة أنا مشفق عليكم من حسابها يوم القيامة، مسئولية أمة بالملايين". كما وجه رسالة للضابط أو الجندي الذي سيقتله قائلا فيها: "ضحكوا عليك كل اللي قالولك انك بتقتل عدو مصر، أنا منزلتش الشارع غير عشان انا بحب مصر وعشان بحب شعب مصر اللي انت جزء منه". وتابعها برسائل مؤثرة لوالدته ووالده وزوجته وولديه قبل نزوله لميدان التحرير أمس الجمعة. شاهد الفيديو :
