"قلمين": خد الزيت والسكر لكن رشح الأصلح

دعا عمرو الفوال – مقدم برنامج "قلمين" الذي بثته قناة "disalata" الإلكترونية على اليوتيوب أمس الأحد – إلي معرفة تركيبة شخصية الرئيس قبل اختياره الذي سيقود مصر في هذه المرحلة الحرجة في تاريخها القديم والحديث - على حد تعبيره-.
وأكد الفوال على خطورة متابعة الناخب مرشح بعينه وتجاهل أخبار ومواقف ومؤهلات باقي المرشحين، وهو ما يؤثر في النهاية على النظرة الشاملة للناخب ويجعلها نظرة قاصرة غير بناءة، قائلاً: "بص على أخبار ومواقف المرشحين الآخرين، ممكن يكون فيه مرشح انت مقررتش انك هتنتخبه لكن برنامجه ومواقفه السياسية تخليك تغير رأيك وترشحه".
وشدد على أهمية قراءة البرامج الانتخابية للمرشحين، لاختيار البرنامج الواقعي والمحدد بأرقام من بينها، كما أشار إلي "كاريزما" الرئيس القادم وأهيمتها قائلاً: "مهم أوي الحضور، بس احنا مش عايزين ممثل احنا عايزين حد يقود البلد في أصعب مرحلة في التاريخ القديم والحديث".
وقال الفوال: "لما تيجي ترشح حد اختار اللي عقلك وقلبك شايفينه صح، مش عشان حد قالك ولا حد دفعلك، خد الزيت والسكر ورشح في الآخر اللي انت شايفه صح، كنا فين قبل كده يا جماعة كان حد يصدق ان حيجي وقت كل الشعب المصري يختار المرشح الأصلح مش حد بيختار لهم".
وفي النهاية، قال الفوال: "دورنا كلنا الفترة اللي جاية، لازم نرتضي أيا كانت النتيجة على اختلاف انتماءاتنا وتوجهاتنا، ونشتغل مع الرئيس اللي هيجي أيا كان هو مين، سهل أوي نقول ده غلط وسياساته غلط، بس الرئيس اللي جاي ده احنا اللي هنساعده، لأول مرة احنا اللي هنحاسب الرئيس، بس لازم بردو في الأول نعمل اللي علينا ونقرأ برامج المرشحين، ونختار الناس الصح عشان لما يجي يعمل حاجة نبقى احنا اللي مسئولين عنها لان احنا اللي اخترناه".
شاهد الفيديو