لاعب المنصورة السابق يكشف قصته مع أحمد سليمان

كشف اللاعب إبراهيم أحمد مكاوي لاعب المنصورة السابق عن أول مرة حضر فيها إلى نادي الزمالك قائلا: "كنت بلعب في نادي المنصورة قابلني محمد شيحة وكيل اللاعبين قالي أنا مش هأخد أول سنة منك وبعد السنة الأولى هاخد منك".
وأشار اللاعب إلى أن وكيل اللاعبين طلب منه مقابلة أحمد سليمان "ولما جلست معه قالي هعملك عرض للخمس سنين بمليون و 150 جنيه وأنت عارف عشان تجي الزمالك وهو نادي كبير قالي عشان اعملك عقد كويس لازم تظبط الناس".
وأوضح اللاعب بأنه تحدث مع والده بخصوص الموقف الذى حصل معه قال: "دا أحمد سليمان حاجة كبيرة كان عندنا عربية لانسر بعتها ودهب أمي، وبعد ذلك كلمته بعد كدا وكان معايا أبويا قابلته واديته 150 الف جنيه".
وأكد اللاعب بأنه بعد ذلك فوجئ أن أحمد سليمان عمل عقد ب 10000 آلاف جنيه، "وقابلته قولتله اديني فلوسي قالي انت مين انا ممكن اشطبك وخاف علي اهلك باعت رسالة لمكاوي هتجي تاخد 150 ألف بتوعك مش هستني عليك كتير مرتضي مش هيعملك حاجة وتعالي هاعملك عقد باوروبا".
جاء ذلك خلال المؤتمر الصحفي الذي يعقده مرتضى منصور رئيس نادي الزمالك، في مقر النادي بميت عقبة، والذي دعى إليه منذ أيام للرد على تصريحات أحمد سليمان عضو مجلس إدارة الزمالك السابق، ضد الجمعية العمومية للأبيض والمطالبة ببطلانها.