وجه السيناريست تامر حبيب، رسالة إلي جمهور الهضبة عمرو دياب، وذلك عبر صفحته الرسمية علي موقع التواصل الإجتماعي الشهير "فيسبوك". وكتب "حبيب" تدوينه عبر صفحته، قال فيها: "من ساعة ما كتبت بوست بقول أني مش شايف إن شيرين عبد الوهاب غلطت خالص في دعابتها في قرطاچ وهي علي المسرح وأنا بيجيلي رسايل من ناس بتشتمني، والغريب إن كلهم بيقولولي يا حرامي السيناريوهات وكأنهم حافظين المصطلح سوا !!! وكلهم برضه بيقولولي عمرو دياب سيدك انت وشيرين". وأضاف "حبيب" طبعاً أنا باحاول أكون مؤدب ومنقلش كلامهم وشتايمهم اللي هما قايلينها، طيب هو أنا جبت سيرة عمرو دياب من قريب أو من بعيد ؟ أنا شخصياً بأحب الراجل ومن جمهوره من قبل ما حضراتكم تتولدوا واللي يعرفني عارف كده كويس وأولهم عمرو دياب نفسه". وتابع: "جميل إنكم تتحمقوا عشان خاطر نجمكم الكبير قوي، واللي هو أكيد أكبر وأكثر احتراماً من سبكم وألفاظكم النابية، بس الأجمل إن يكون عندكم مخ وتمييز الأول!".