تامر حبيب: "شتموني علشان بدافع عن شيرين.. وأنا بحاول أكون مؤدب"

دافع المؤلف والسيناريست تامر حبيب الدفاع عن شيرين عبد الوهاب، عبر حسابه الرسمي على موقع التواصل الاجتماعي "فيسبوك"، بعد الهجوم الذي شن عليها بسبب تصريحاتها بمهرجان قرطاج بتونس، بخصوص خطأ ابنتها تخطئ في اسم تونس وتُطلق عليه اسم "بقدونس"، ما أدى لغضب الكثير من التونسيين منها.
ونشر حبيب مقطع الفيديو الذي صرحت فيه شيرين بذلك، معلقاً: " بالذمة اللي قالته ده فيه ايه يا ناس يا تافهين، يا غلاويين ياللي ما بتصدقوا جنازة وتشبعوا فيها لطم... و بعدين ماهم أصحاب الشأن بالألوفات قدامها اهم و ضحكوا و انبسطوا و استمتعوا واتطربوا ... ايه القرف ده ؟".
وبعد نشره الفيديو على صفحته، كتب حبيب منشور أخر يوضح ما حدث له بعد دفاعه عن شيرين: "من ساعة ما كتبت بوست بقول أني مش شايف أن شيرين عبد الوهاب غلطت خالص في دعابتها بقرطاچ و هي على المسرح وأنا بيجيلي رسايل من ناس بتشتمني والغريب أن كلهم بيقولولي يا حرامي السيناريوهات وكإنهم حافظين المصطلح سوا، وكلهم برضه بيقولولي عمرو دياب سيدك أنت وشيرين ( طبعا أنا باحاول أكون مؤدب ومانقلش كلامهم وشتايمهم اللي هما قايلينها) طيب هو انا جبت سيرة عمرو دياب من قريب أو من بعيد ؟ أنا شخصياً بأحب الراجل ومن جمهوره من قبل ما حضراتكم تتولدوا.. واللي يعرفني عارف كده كويس وأولهم عمرو دياب نفسه... جميل إنكم تتحمقوا عشان خاطر نجمكم الكبير قوي، واللي هو أكيد أكبر وأكثر احتراما من سبكم وألفاظكم النابية، بس الأجمل أن يكون عندكم مخ وتمييز الأول".