بالفيديو.. عمرو أديب: الشعب المصري تغير عبر الزمن و"بيلحس كلامه"

قال الإعلامي عمرو أديب، إن الشعب المصري تغير عبر الزمن، ولم يعد مثل الذي وقف خلف عبد الناصر في إخفاقاته، سواء في العدوان الثلاثي او نكسة 1967، متابعا: "الشعب الحالي تحول إلى خبراء سياسين والبركة في الفيس بوك".
وأضاف "اديب" خلال برنامجه "كل يوم" علي قناة "ON E" اليوم الأحد: "مفيش واحد سواء مرسي ومبارك والسادات وعبد الناصر قال لأمريكا مش عاوزين المعونة؛ لأن الأفواه مفتوحة في مصر قد كده وفي رقبتهم كوم لحم".
وتابع: "كل رؤساء مصر تركوا السلطة حينما ثار الشعب عليهم، مبارك والملك فاروق، ما عدا مرسي لسه عاضض في الأرض وعاوز يرجع يومين بس عشان يموت شخصين بس مقالش هما مين".
وتابع: "اللى عاوز يشيل البلد يتفضل يشلها وهاتوا أي وأحد مبارك ولا جمال وعلاء طالما شايفنهم حلوين.. ولا أقولكم هاتوا مرسي تانى يحكم مصر في انتخابات 2018، هاتوا اي واحد من اللي يفتح السجون ويطلع الإخوان والسلفيين ويقتلوا المسيحيين عشان ترتاحوا، بس افكركم هي الثورة قامت ليه؟! ولا انتم شعب بتلحسوا كلامكم؟".
واستطرد: "الوضع دلوقتي في مصر مفهوش حرية مطلقة ولكنه أفضل بكثير عن عهد مبارك وانا كنت بطلع في عهد مبارك على الشاشة وانا على رنة تليفون اني اتحبس".
شاهد الفيديو: