شباب ع فيس بوك: «كفاية كده على الجنزورى"

لا يزال الجدل مستمراً حول التصريحات الأخيرة ل "كمال الجنزورى"، رئيس الوزراء، توالت تعليقات رواد موقع «فيس بوك»، حيث قال أحدهم: «دي حكومة خراب وطنى وليس إنقاذ وطنى.. وحالة الحزن التى يعيشها الناس هذه الأيام تشبه حالة الحزن التى كانت موجودة بعد النكسة».
ومن التعليقات.. خالد على: «اللى احنا فيه ده أكبر نكسة بجد، لأن لحد دلوقت الثورة ولا كأنها عملت حاجة».
قال محمد منتصر: «نكسة خروج مبارك من الحكم»،،وقال إسلام السيد: «لالالا بيتهيألك»،،ردت إيمى توفيق: «النكسة قليلة على اللى احنا فيه»،وقال أحمد محمد: «وبعد النكسة؟... جاء نصر أكتوبر... صبراً أهل مصر، فالنصر قريب»، جنات: «الحزن دلوقتى أكتر من أيام النكسة، عارفين ليه؟ لأننا أيام النكسة كنا كلنا على قلب رجل واحد، لينا هدف واحد وحلم واحد، هو إعادة بناء جيشنا العظيم، لكن دلوقتى فرقتنا الطرق خلاص مشرذمين».
وقالت شيماء محمود: «نعم، إننا نشعر بأننا فى نكسة لا فى ثورة.. مصرنا تتسرب من بين أيدينا وللأسف بأيدى أبنائها.. متى نعرف لغة الحوار ونتمتع بالاختلاف البناء»، عماد أحمد: «التفاؤل والعمل بغض النظر عن أى ظروف ده أفضل شىء»،
اختتم توفيق محمد: «كفاية كده على الجنزورى».. و25 يناير لابد أن يؤدى الرئيس اليمين.