وزير المالية يمتص غضب عضو بالنواب: "مش عايزينك تثور علينا"

أبدى النائب مدحت الشريف، عضو اللجنة الاقتصادية بمجلس النواب، استياءه من تجاهل الحكومة لتوصيات وقرارات لجنة تقصي حقائق فساد القمح، التي شكلها البرلمان ووافق عليها المجلس في جلسة عامة.
وقال الشريف، في كلمته خلال اجتماع لجنة الشئون الاقتصادية بمجلس النواب، "ليه الحكومة بتغض نظرها عن فساد واضح ممكن يجيب للبلد مليارات، على الرغم من مرور عدة شهور على صدور تقرير اللجنة الخاصة بكشف فساد القمح، إلا أنه مفيش أي تحرك من الحكومة على أرض الواقع".
فيما رد الدكتور عمرو الجارحى، وزير المالية، "مش عايزينك تثور علينا يا مدحت بيه، ولو فيه حاجة متأخر قولولنا عليها واحنا هنتعامل معاها".
ورد "الشريف": "إحنا مش عارفين نرد على الناس نقولهم إيه، بعد ما عملنا التقرير، ولو الأمر مش في ايد وزارة بعينها والموضوع مع رئيس الحكومة قولوا لنا واحنا نروحله".