انقسام فى دمياط حول مليونية الغد

بدأ الإعداد لمليونية جمعة الغد وسط تضارب وانقسام داخل مدينة دمياط التى بدأ عدد من النشطاء فيها بتوزيع منشورات بعضها يحث الناس علي الخروج غداً في جمعة المطلب الواحد والآخر يدعو للحفاظ علي هيبة الدولة وتأييد المجلس العسكري .
وحمل المنشور الأول عنوان جمعة المطلب الواحد مطالب وعبارات مثل "تسليم السلطة للمدنيين" و"المدنيين بيتحاكموا عسكري وأنت لسه بتتفرج" و"الأسعار كل يوم بتزيد وأنت لسه بتتفرج" و"البلطجة والانفلات الأمني منتشرين والحكومة مش عارفة تحكم وأنت لسه بتتفرج" و"الثوار يقتلوا ويقبض عليهم من غير سبب وأنت لسه بتتفرج" و"البطالة كل يوم بتزيد وأنت لسه بتتفرج" و"المشير بيشهد لمبارك ويبرئه وأنت لسه بتتفرج" و"كل فلول الحزب الوطني في الانتخابات وأنت لسه بتتفرج" و"المجلس العسكري بيبوظ الانتخابات وبيولع في البلد عشان يفضل كابس علي نفسنا وأنت لسه بتتفرج" وانتهي المنشور بتحديد موعد المسيرة غداً بعد صلاة الجمعة من جامع الشيخ مفتاح في الشرباصي بدمياط .
أما حركة اتحاد شباب دمياط فقد قامت بتوزيع بيان عن تأييدها الكامل للمجلس العسكري وعدم المساس به مهما اختلفنا معه أو اعترضنا علي بعض قراراته فى إدارة البلاد .
وأوضح البيان أن تأييدهم للمجلس العسكري يأتي من منطلق حرصهم علي سلامة البلاد وحمايتها من تنفيذ المخطط الأجنبي لتقسيمها وزعزعة استقرارها وهو ما بدأت خيوطه تتضح جلياً أمامنا لتحل الفوضي بالبلاد وتنزلق مصر إلي هوة نخافها جميعنا ويرغب أعداؤنا فى دفعنا إليها .
وانتهي البيان إلى ضرورة الحفاظ علي هيبة الدولة مؤكداً أن الديمقراطية الحقيقية تحترم الرأي والرأي الآخر وهو ما يسمح بالوصول إلي حلول ترضي كافة الأطراف من اجل استقرار البلاد والنهوض بها .