صفحة "النحس" على الفيس بوك تجتذب أكثر من 20 ألف معجب

اجتذبت صفحة طريفة على موقع التواصل الاجتماعى "فيس بوك" بعنوان "أنا قلت للنحس أنا رايحة اتفسح قالى وراكى وراكى هو أنا مكسح" أكثر من 20 ألف معجب منذ تدشينها.
تعبر الصفحة عن الأشياء السيئة التى تنتاب الإنسان فجأة وتعكر عليه صفو حياته، فتحوله من محظوظ إلى منحوس على حد قولهم .
وساهم المشاركون في المسابقة الأسبوعية لعرض المواقف المنحوسة التي حدثت لهم ليأخذ صاحب أكثر قصة مؤثرة لقب "منحوس" لكل أسبوع .
من جانبهم، عبر المشاركون عن نحسهم، فيقول شخص يدعى منير القاضي "مفيش اكتر من اني اكون في السعودية ومظبط كل حاجاتي واشتريت الهدايا ،عشان انزل مصر، وحجزت وركبت الاتوبيس عشان اروح لكفيلي عشان اخد منه الجواز ويطلع كفيلي مسافر باكستان! ، وارجع تاني بسببه عشان اقضي سنه كامله في الغربة من غير مااشوف اهلي واصحابي ".، ويقول شخص يدعي محمد الدحلب " انا اكتر حاجه منحوس فيها هي الحب حبيت واحده لاقتها عايزه تتجوز والسلام ،حبيت التانيه لاقيتها مجنونه رسمي سيكو بجد،...حبيت تالته جالها اكتئاب وانفصام في الشخصيه". و تقول شاهيره "كان نفسي ارووح مظاهره وفعلا روحت واتحركت العربية اقترحت عليهم نخش في اي زقاق جانبي السكة في هتبقي اسهل وللحظ النحس وصلنا لحد نص الشارع لقينا ناس قاعده تقول افرحي ياأم الشهيد وسادين السكة استنينا لحد ماخلصوا وقعدنا حوالي3 ساعات نمشي في طريق يتزحم ونلاقي التاني فضي وهكذا لحد اما لقينا مفيش امل اننا نروح عشان اتحاصرنا من كل ناحية ووصلت طبعا وش الفجر وماما بهدلتني وكان يوم لاينسي"
وتقول نورهان كمال " اول مره قابلت اللي هيتجوزني وقعت علي وشي قدامه من التوتر وبعد الجواز بسنه في نفس المكان وقعت بردوا علي وشي ايه النحس ده ، وتقول مشاركه اخري معبره عن غضبها "انا مش عارفه ايه قصص النحس اللي عايزين تحكوها لبعض هو في انحس من اللي احنا فيه دلؤقتي ؟"