فيديو.. مصطفى بكري للرئاسة: "مينفعش اللي بيهين الدولة يبقى موجود"

قال الكاتب الصحفي مصطفى بكري، عضو مجلس النواب، إن مصر تعاني من مشكلة كبرى في الإعلام ويتم مواجهتها بشكل خاطئ.
أضاف بكري خلال برنامجه "حقائق وأسرار" على فضائية "صدى البلد" مساء الخميس أن الكتاب الذين يهاجمون الدولة تتم دعوتهم للقاء الرئيس عبد الفتاح السيسي ، موجهًا حديثه للرئيس: "ده أسلوب غلط مينفعش يا فندم.. مينفعش اللي بيهين الدولة يبقى موجود أنت بتديلهم كده شرعية".
ووجه حديثه للمكتب الإعلامي للرئاسة:" لازم تفوقوا شوية اللي بتعملوه ده غلط .. أنتم بتسيئوا للبلد.. أنتم مع مين؟ إذا لم تكونوا مع الرئيس وتبعدوا هذه الوجوه عنه فأنتم تحبطوا الكل، مضيفًا:" استراتيجيتكم غلط ..وهتودونا في داهية .. ولازم تعدلوا الكفة".
واستطرد : "مش عايزين ندي صورة غلط للشارع المصري إن اللي بيشتم السيسي بيقربوه واللي بيعتدي على الدولة بيقربوه. ينفع أجيب واحد بيتهم الشرطة بأنها السبب في اللي حصل لريجيني واقعده مع الرئيس؟ مين الللي بيعمل ده؟ فتشوا عن اللي بيعمل ده لأن الدولة لازم تقف على رجليها"