فيديو| محمد علي يدعو المصريين لمليونية الجمعة.. ويطرح اقتراح لما بعد السيسي

أصدر رجل الأعمال والفنان محمد علي، مقطع فيديو جديد، دعا فيه الشعب المصري إلى تنظيم مليونية الجمعة المقبلة في الميادين العامة.
وخلال الفيديو الذي نشرته صفحة "أسرار محمد علي" على فيسبوك، ناقش محمد علي مرحلة ما بعد رحيل عبد الفتاح السيسي عن الحكم.
وقال محمد على إنه تابع تظاهرات أمس الجمعة، وأنه فؤجئ مثل كثيرين بتجاوب المصريين ونزولهم إلى الشوارع والميادين.
وأضاف: "انا كنت متابع اللي حصل امبارح وطبعا اتفاجات زيكم بنزول اخواتي واهلي الشارع وشكرا للجيش اللي ادى مساحة للناس تقول كلمتها وشكرا للشرطة انها تعاملت على خفيف مع الناس".
وتابع: "انا كرجل اعمال مستفيد من السيسي مشغلني وبديني مشاريع بالمليارات، لما السيسي يقع انا ممكن انهار، اعمل ايه، انزل شوية عيال غلاقة واديها فلوس واقوله اقف مع المعارضة، ورامي طوبة على عساكر الامن المركزي، ويحصل اشتباك، هما مش هيسكتوا كرسي السلطة ده مخيف"
اقرأ ايضا: حزب الاستقلال يدعو للاحتشاد الثلاثاء القادم بميدان التحرير
وأضاف: "ارجو من السيد وزير الدفاع والسيد وزير الداخلية الافراج عن اي معتقلين من تظاهرات الامس واي معتقلين موجودين في السجون لازم تاخدوا خطوة ايجابية انا اناشد الجيش والشرطة، ضباط الجيش والشرطة متفاعلين معانا وعايزين يكلموني".
وأردف: "هو السيسي مشفش اللي حصل امارح ايه نايم مش مصحصح البلد في وادي.. اكيد هو ملبوخ ومخضوض، وهيجري على ترامب يوطي يبوس ايده يقوله قعدني البلد فيها ارهابيين البلد هتروح في مصيبة ومصر كلها هتبقى ارهابية ويضربوا نار ويولوع ا في السياح".
واستطرد: "اللي عمل الثورة دي الشعب، ولا حزب ولا قائد ثورجي، اللي عمل الثورة الغلابة الشعب القاعدة العريضة، دي ثورة شعب لا تنسب لاي مخلوق في الدنيا ولا اي حزب.. ناس كتير جدا سألتني بعد ما السيسي يمشي احنا هنعمل تايه، ده موضوع مهم جدا"
وقال محمد علي: "احنا دلوقتي لو مشينا السيسي وجبنا حكومة انتقالية، ما هي برضه هتفشخ فينا وتعمل اللي هي عايزاه، طيب مشينا السيسي وجبنا بيسي، طيب ما بيسي ده ممكن يحب واحدة زي انتصار ويفشخنا عشان حبه، ده غلط احنا كده بنصنع اله تاني"
وأضاف: "تلاقي اجباري لازم تشوف صورة حسني مبارك في كل مكتب، لاننا عملناه الهة، بعد ما شيلنا صور مبارك حطينا صور السيسي، لازم كل منشاة حكومية تحط صورة الريس، بقينا عاملين زي الامارات والسعودية ودول الخليج"
اقرا ايضا : الاستقلال: نؤيد انتفاضة الشعب المصري وندعم مطالبه
وتابع: "ده غلط، احنا مالنا ده راجل بيدير، ده موظف في الدولة، لازم نطلع قرار ممنوع ان اي رئيس يحط صورته في اي مؤسسة تبع الحكومة، مش من حقه هو مش اله ده راجل موظف يخلص يمشي ويجي غيره، لكن ليه نحط صورته ونعمله اله.. بالظبط زي ما خلانا ساعة الانتخابات اجبرني كشركةو اني احط صورته واعمله يافطة يا اما ادفع فلوس ممنوع ان اي رئيس منتخب يتحط صورته على العماير اجباري"
وأردف: "انا منتظر رد الشرطة ووزير الدفاع ورد المؤسسات ان السيسي بره، هو كده المفروض السيسي خلاص مش هينفع اخره الجمعة الجاية فياريت تاخدوا قرار.. انتوا ما اخدتوش قرار بس بتساعدونا خلينا نعمل حاجة تاني يارب يقتنع ويمشي".
وأكمل محمد علي: "احنا عندنا يوم الجمعة الجاية هنعمل مليونية، وقدامنا الاسبوع ده نظبط وناخد بعضنا وننزل الميادين الكبرى، يبقى بدانا قدام بيوتنا مع ان ناس كتير نزلت الميادين، وشوفت اللي حصل ، انا حاولت اخلي الموضوع هادي وهما عندهم تقديرات وناس مخابرات وبتفهم".
واستطرد: "انا كنت مستني اسمع منهم قرار لسه مسمعناش القرار فمعانا لحد يوم الجمعة نظبط في المليونية اللي جايه عشان نوصل لحل سلمي.. بعد السيسي ما يرحل احنا هنعمل ايه، الكلمة النهاردة لازم تبقى للشعب، دايما المفروض ان الكلمة للاغلبية، مين الاغلبية ؟ الشعب، عمر ما هتيجي حكومة اكتر من الشعب، يبقى كلمة الشعب هي اللي تحترم".
وتابع: "السيسي غار في داهية يوح الجمعة الجاية ان شاء الله، احنا عندنا 28 محافظة، كل محافظة تختار 50 واحد شطار في الاقتصاد، دكاترة مهندسين رجال اعمال تجار مزارعين، نعمل انتخابات على 50 واحد، عايزين الموضوع يتم بنزاهة، الخمسين دول كتير مش هينفع فيهم تزوير، وممنوع يفط، يطلع يقول برنامجه للناس اللي يخص المحافظة"
اقرأ ايضا: خلال 4 شهور: مجوهرات من سويسرا بربع مليار جنيه لانتصار السيسي (مستند)
وأضاف: "رجال الدين للدين، لازم نهتم بالاقتصاد، ادارة البلد يعني اقتصاد، ودي ملهاش علاقة رجال الدين، نختار الخمسين بتوعنا بيفهموا في الاتقصاد، هنكلم امريكا والمانيا في الاقتصاد، العدد اللي هيفوز يقعدوا مع بعض في مجلس الشعب، ونبدا، أولا: وهما دايما يتوهونا بكلام من عينة ان في الدستور المادة رقم 233 على 24 لسنة 2015 بتقول واحد اتنين تلاتة، فمتوهينا ودي لغة كدابة مفيش الكلام ده الكلام ده هبل، الشعب مش فاهم منه حاجة ومش فاضي له انتوا بتشتغلونا بشوية القوانين وتقعدوا تغنوا ع الدستور وتقطعوا فيه ما بينكم وما بين بعض".
وقال محمد علي: "الراجل اللي في النجع ولا في الفلاحين ولا في حتة شعبية فاهم الدستور 324 على 25 تنص المادة، بالراحة احنا هنسهل الموضوع للناس بطلوا استغلاات عايزين نشتغل صح. الناس دي تيجي نتناقش علني لايف قدام الشعب على هيكلة الدولة، مثلا القوات المسلحة ما هي مهام القوات المسلحة؟ نناقشها وتتعرض على الشعب ويحصل عليها تصويت، الاعلام لازم يكون حر يقول كل اللي في نفسه، بعد ما نعرض بريزتنشين على الشعب ونبسطه، مثلا مهام الجيش حماية مصر والوطن حمتاية الحدود مش يعمل سمنة وصلصة".
وأردف: "كده الناس اللي اترشحت من الشعب اتناقشت، عملنا عرض ويحصل استفتاء عادل، طيب الشرطة، نناقش مهام الشرطة، عشان الناس تفهم، تتناقش ونبين مهام وهيكل الشرطة، ونستفتى عليها المصريين، يبقى بتاع الشرطة عرف مهامه والمدني عارف مهامه".
وتابع: طنمشي كده وزارة وارزة، كده احنا بنأسس هيكل الدولة، عشان رئيس الجمهورية لما يجي يبقى راجل موظف، مش هو اللي يأمر وينهي والشعب يسمع كلامه وكلام حكومته، كده البلد هتهرب مننا تاني ونصنع اله تاني ونحط صوره في كل حتة زي محمد بن زايد، ده غلط احنا شعب لازم نبقى حر والكلمة تبقى كلمتنا كلمة الشعب الاغلبية مفيش اله تاني احنا عندنا كرامة بقى مش واحد هو اللي هيسوقنا.. ايه اللي مين هيجي تاني بعد السيسي، اللي يجي يجي، هنجيب اله تاني ما هيبقى زيه برضه وهيعمل لمراته"
واستطرد: "يبقى نعمل الهيكل كده نبنيه وناخد راي الشعب، وبعد كده يجي رئيس الوزراء، وخلال شهرين ننتهي من القصة دي كلها، يكفي ان الواحد يبقى حاسس ان دي بلده اتاخد رايه بجد مش ناس تعمل اللي هي عايزاها واحنا بننفذ، عيب ده اسلوب قذر، لازم احس بوطني ويبقى عندي ولا لوطني لما يبقى لي راي في وطني، حتى ولو كنت من الاقلية، بس ارتحت لما قلت راي مش يتقبض عليا ولا اخاد عيالي واهرب."
اقرا ايضا : محمد علي: تسريبات جنسية للسيسي تظهر قريبا (شاهد)
وأكمل: "كده اصبح الكلمة الحقيقية للشعب، نتعب شهرين ونعمل الهيكلة، ده خلاص البلد تدار بالشكل ده عرفنا مهام كل وزارة ايه بحاجاتهم بمرتباتهم ووافقنا، مفيش حاجة اسمها المرتبات اسرار عسكرية".
وأضاف أن "رئيس الجمهورية ده ملوش اي صلاحيات خالص، رئيس الجمهورية ده بعد ما الشعب عايز يشارك دولة في حقل غاز او يجيب دولة تستمثر في حقل غاز، بعد ما الشعب والحكومة وافقوا يبدأ هو يتعاقد معاهم ويوقع، راجل يعرف يتكلم معاهم ويشرفنا مش يقعد زي نفيسة قدام ترامب"
وقال محمد علي إن الرئيس يمثل الشعب ولكن مش هو المختص بادارة الشعب، الحكومة تدير وتطلع فلسفتها للشعب، والشعب يوافق او يرفض، ويتعرض على الشعب الميزانيات ودراسات الجدوى تكون بشكل سهل، والشعب يصوت بدون تزوير
وأضاف: "الشعب ده ممكن يطلع في دكتور عظيم صغير عنده افكار كويسة تدخل لمصر فلوس رهيبة، ازاي اسيبه، عندنا شباب كتير طلعوا بره كسروا الدنيا، ليه كحكومات مش نبتناه، عشان احنا عواجيز معندناش فكر".
وتابع: "السيستم غلط لازم يتهد كله، مش نهد المؤسسات، لا زي ما هي موجودة ولكن يتعمل بناء جديد بسرعة ".
وأكد محمد علي أن خلال تظاهرات الجمعة "مفيش حد يرفع علم حزب، كلنا نرفع علم مصر، كلنا شبه بعض، مفيش احزاب، علم مصر بس".
اقرأ أيضا: أبو فجر يكشف فساد جديد لمحمود السيسى .. و يدعو للاحتشاد الجمعة لإسقاط السيسي