صفحة خاصة على "فيس بوك" اعتذارًا لفتاة التحرير التي تم سحلها.. بعنوان "إحنا اَسفين يا ست البنات"

أنشأ عدد من النشطاء صفحة خاصة على فيس بوك للفتاة التي قامت قوات الأمن بسحلها وتعريتها في ميدان التحرير عقب أحداث مجلس الوزراء في محاولة منهم لتقديم الاعتذار الشعبي لها وتعاطفهم وتأييدهم لموقفها الشجاع خلال هذه اللحظة، وحملت الصفحة عنوان "إحنا آسفين يا ست البنات"
وجاءت الصفحة تحت شعار "نتقدم جميعا باعتذارنا لفتاة الثورة المصرية التى سحلت وتعرت وكل امرأة خذلناها فى الإتيان بحقها"، وعاوزين اعتذرانا يوصل لها يمكن يهون عليها شوية من اللى شافته ...آسفين يا ست البنات.
وعلق أحد النشطاء على الصفحة "ارفعى راسك..ارفعى راسك.. انت أشرف م اللى داسك".
وتزايد أعداد المعجبين بالصفحة بسرعة، وأصبحت الصفحة "دفتر اعتذار" يقدم فيه كل شخص رسالة اعتذار في محاولة للتخفيف عن الفتاة لما حدث.
وذكر أدمن الصفحة أن هدف الصفحة هو "نشر ثقافة الاعتذار لكل من تم الخطأ بحقه.. لأن ثقافة الاعتذار غابت كثيرا عن مجتمعنا طوال السنوات الماضية ... وأتمنى أن تتفقوا معى فى وجهة نظرى المتواضعة".
وقاموا أيضا بنشر رسالة المجلس العسكري رقم 91 التي يبدى فيها المجلس العسكري أسفه لسيدات مصر عن التجاوزات الأخيرة.
وفي نفس السياق قام أحد الأشخاص علي صفحته الشخصية علي فيس بوك بتقديم رسالة إلى الفتاة التى أظهرت للعالم (خيانة) المجلس العسكري وهي كالتالي:
اسمي محمود ابراهيم عبد الرازق رضا، عندي 29 سنة، بشتغل في موقع MBC مكتب القاهرة
عارف ان دا مش وقته .. ومش عارف اقوله ازاي .. وميهمنيش الناس هتقول عليٌ أيه.. كل اللي أعرفه أنك من أشرف بنات مصر علشان كدة نفسي رسالتي توصلك، شرف ليا أني أطلب منك الطلب ده "تتجوزيني"؟
------------------------------------------------------------------------
التعليقات
goody
الثلاثاء, 20 ديسمبر 2011 - 11:56 pm
goody
altaras nazleen bal malaeen nakod hak akwatna warena yaa tantawy , altraas akwa men alsaaka betatak ,
احمد رمضان
الأربعاء, 21 ديسمبر 2011 - 01:16 am
دقق فى البنطلون
برجاء سؤال ست الستات ليه كانت رابطه بنطلونها بحبل غسيل طبعا علشان لا يسقط اثناء التصور المتفق عليه لتشويه سمعة مصر
محمد
الأربعاء, 21 ديسمبر 2011 - 01:35 am
كفايه ارحمونا
واضح جدا استغلال المواقف لصالح افكار وتيارات معينه ولو عملنا استطلاع راي للسيدات في مصر اعتقد ان الاغلبيه سوف تدين الفتاه وكذا افراد الجيش وظهور الفتاه في هذا البرد القارس دون ارتداء اي ملابس سوي عبايه يسهل فتحها يثير علامات استفهام انا مش ببرر موقف حد بس تعالوا نفكر بشويش ومتغيببوش عقولنا بصوت عالي وشويه هتافات وقنوات فضائيه مسمومه ....... وبعدين ريحوا بالكم الهتافات ضد التيار الاسلامي ومحاوله استثارته وجر رجله للميدان والدخول كطرف في الموضوع مش هيحصل لان الاخوان اذكي من كدة والتيار السلفي بدء يفهم سياسه ويعرف طبيعه المؤامره وبيتعلم من تجاربه وياريت بلاش التركيز علي حاجات معينه لتوصيل فكر معين في محاوله لتنفيذ اغراض معينه وعلي فكره احنا كشعب وانا واحد منهم بنعرف نفهم الامور كويس وميغركوش سكوتنا ..
محمد عبد القيوم
الأربعاء, 21 ديسمبر 2011 - 01:45 am
على السادة المعلقين اللى قبلى أن يكفوا عن النفاق و عن البلطجة
كفاكم فلسفة أيها البلطجية،فلا أنتم تفهون عن كرامة الحراير من النساء و لا أنتم تفهون عن كرامة الأوطان .أذهبوا ألى مقاعدكم فى المقاهى أو بجانب أمهاتكم،و أرحلوا عن المواقع المحترمة من الأنترنت،فلا أنتم منها و لا هى منكم .
jenyor
الأربعاء, 21 ديسمبر 2011 - 03:10 am
alfostaan al ahmar wee altakya alhamra
tantawy byhab al loon alahmar ,homa kada albawabeen , wee albarbar , wee yamooto fee al laham alabead . al harby mastaneek
مدحت عبد الجواد
الأربعاء, 21 ديسمبر 2011 - 03:41 am
البنت كان لديها نية مبيته وراحت تستفز الجنود علشان تتصور وتهلل فى الاعلام
والدليل على ذلك الصور التى إلتقطها لها أقرانها من جميع الجهات تدل على أن السينايو كان معد سلفا , وبعدين هى إللى راحت للجنود وشتمتهم بأقبح الشتائم وقالت لو فيكم دكر يجيلى هنا , فكان ما كان ولم يكن المقصود تعريتها من الجزء العلوى لملابسها إلا أن ذلك حدث عندما قاومتهم .
السعيد
الأربعاء, 21 ديسمبر 2011 - 10:34 am
رأي بسيط
ل نصدق
مصر
الأربعاء, 21 ديسمبر 2011 - 01:05 pm
أتقوا الله
يا جماعة اتقوا الله البنت كانت لابسة بلوفر اسود تحت العباية وكانوا بيشدوها منه عشان كده راسها كانت مختفية تحت الهدوم وبعدين لو هى واحده مش كويسة هى لازم ترمى نفسها فى التهلكه مهى ممكن تقل ادبها فى اى حته تانية .. حرام عليكوا ماترموش المحصنات بالباطل دى دكتورة ومنتقبة كمان اتقوا الله عندكم ستات
مصري اصيل
الأربعاء, 21 ديسمبر 2011 - 04:23 pm
اتقي الله ياطنطاوي
المتظاهرين والصور المنشوره توضح احد جنود الشرطة العسكرية وهو يلقي بالملوتوف فوق المجمع العلمي
حسن ابراهيم
الخميس, 22 ديسمبر 2011 - 02:11 pm
لوووو ويست
يعنى ايه محجبه ولابسه عبايه مع بنطلون لو ويست ؟؟؟؟؟؟؟؟؟؟!!!!!!!!!