النظام "يُعكنن" على المواطنين بقرار عدم صرف المعاشات قبل أجازة العيد

لا ينفك النظام العسكري في مصر بالضغط على المواطنين بالقرارات الاقتصادية الصعبة , والتي تمس جميع جوانب حياة المواطن من طبقة محدودي الدخل , حيث أثار قرار وزيرة التضامن الاجتماعي المصرية، غادة والي، عدم صرف معاشات شهر سبتمبر قبل حلول عيد الأضحى , حالة من السخط بين نشطاء مواقع التواصل الاجتماعي ,
وعبر ناشطون عن رفضهم وسخريتهم من مبررات القرار الذي عزته الوزيرة إلى مشكلة تقنية أصابت "السيستم"، واعتبروه حلقة من حلقات "تنكيد السيسي على المصريين" قبيل العيد.
وعن أصحاب المعاشات، قالت ميادة: "‏واحدة ست اتصلت في برنامج في التليفزيون متضايقة ان المعاشات مش هتتقبض قبل العيد وراحت معيطة .. أنا الدنيا اسودت في وشى حرفياً".
وأكد سيد المعلومة: "‏#العيد_بيمثلك_ايه؟ السيسي ينكد على المصريين، بيقولك السيستم واقع مش هنقدر نصرف المعاشات غير بعد العيد، خد بالك إن السيستم فعال للقضاء وجيش وشرطة".
وجهت سهام رسالة: "‏كلمة للنظام الزفت اللي معندوش دم ولا رحمة: عيب عليكم عدم صرف المعاشات قبل العيد وتأجيلها لبعد العيد، الله يخرب بيوتكم فقرتوا الناس، ربنا يأخدكم".

وقالت "المركب بتغرق يا قبطان": "‏لأول مرة من أيام مبارك المعاشات متنزلش قبل العيد". وفسر أحمد القرار: "‏‎انتي عارفة لو فلوس المعاشات إتأخرت كام يوم هاتجيب كام فوائد".
ووصف أحمد مصري الحال: "‏#كلمني_عن_مصر، فلست ومش قادرين يقبضوا أصحاب المعاشات قبل العيد". وغرد آخر متقمصاً شخصية السيسي: "‏أصب فى مصلحة المواطن ازاي أصب ازاي؟ يبقى هصرفلهم المعاشات بعد العيد".
وتعجب عمر: "غادة والي طلعت تبشر أصحاب المعاشات انهم مش هيصرفوا معاشاتهم إلا بعد العيد.. يعني الناس دي مش هتعرف تشتري لحمة ولا هيعطوا أحفادهم عيدية".
وربطت سميرة القرار بقطع المعونة، وقالت: "هل فعلا السيسي قال عشان "السيستم" مش هنقدر نصرف المعاشات غير بعد العيد.. يعني بلاها لحمة عشان ترامب قطع عنا المعونة؟!".