أهالى نفيا وكفر أبو داوود وميت حبيش يقطعون الطريق احتجاجا على انقطاع الكهرباء

قام أهالى قرى نفيا وكفر أبو داوود،ومبيت حبيش القبلية بقطع طريق مصر إسكندرية وإشعال الإطارات منذ المغرب وحتى كتابة تلك السطور احتجاجا على انقطاع الكهرباء المتكرر،وكان السبب الرئيسى لقطع الأهالى للطريق هو انقطاع الكهرباء منذ مغرب أمس الجمعة 29/7 وحتى الآن مما اضطر الأهالى إلى إلقاء ما فى ثلاجاتهم إلى القمامة حيث تلفت الأشياء بها لا سيما وأن المواطنين قد قاموا بشراء بعض حاجيات شهر رمضان المبارك التى من أهمها اللحوم،وقد وصلت مكالمة هاتفية إلى مراسل جريدة "الشعب الجديد" من إحدى المواطنات من ميت حبيش القبلية،وأخرى من كفر أبو داوود تستغيث لتوصيل رسالة إلى من يهمه الأمر بالمحافظة حيث اتصل الأهالى بأرقام شبكة الكهرباء ولم يرد أحد عليهم،واتصلوا بجميع الجهات المسئولة..لكن دون جدوى الأمر الذى جعل المساجد تنادى على الشباب بالخروج من بيوتهم لقطع الطريق،والساعة الآن العاشرة والنصف من مساء السبت 30/7/2011 وما زالت الكعرباء مقطوعة،وأيضا ما زال الأهالى يقطعون الطريق الزراعى السريع مصر - اسكندرية وقد وصل المحتجون إلى قطع الطرق الفرعية الترابية مما جعل حالة اختناق مرورية فى الطريق،ومدونة لقمة عيش تناشد السيد محافظ الغربية والسيد مدير أمن الغربية بضرورة التوجه إلى مكان الحادث وسرعة حل المشكلة وتهدئة الجماهير.
------------------------------------------------------------------------
التعليقات
من اهل القرية
الأحد, 31 يوليو 2011 - 12:12 pm
السبب مش تلف الأغذية بلاش كلام مستفذ
يا جماعة السبب مش تلف الأغذية بلاش فى وسط الخبر كلام مغلوط ومستفز السبب أن الكهرباء والمياة حتى الأن ومنذ أربعة أيام منقطعة تماما فكيف نعيش فى هذا الجو الحار بدون ماء أو كهرباء كما أنة يؤخذ فى الأعتبار كبر سن بعض الناس وبعض الحالات التى لا تتلائم و الوضع بقطع الكهرباء نظرا لمرضها ومنهم حالة توفيت بإحدى هذة القرى وهو رجل مسن مريض بالربو وقد مللنا من الشكوى للمسؤلين مرارا وتكرار ولم نجد حلا ولم نجد من يسمع لنا صوتا علما بأن هذا الأنقطاع ليس الأول من نوعة بلاش تستخفوا بالموضوع لما فية ناس بتموت يبقى حرام عليكم وايضا اهالى الثلاث قرى ناس على وعى تام بأن المتضررين من وقف الحركم المرورية ليس لهم أى ذنب فى ذلك فكان من سكان اهالى القرى أن يقوموا بوقف الطريق لمدة 20 - 30 دقيقة ثم يفتحوا الطريق مرة أخرى حتى لا يتضرر من هم على الطريق ولكن هذا كلة مجرد تعبير عن الرأى الذى طالما استنكرة المسؤلين ولم يعطوا لة بالا اشكر جريدة الشعب على الخبر مع تحفظى فى تحرى الدقة فى الخبر
من أهل القرية
الأحد, 31 يوليو 2011 - 12:15 pm
يتبع
المسؤلين الأن قائمين على حل المشكلة وتم توزيع الأحمال على شبكة أخرى بحيث اننا قد تعمل الكهرباء عندنا مدة 5 - 10 ساعات متفرقة حتى الأنتهاء من تصليح العطل ربنا معاهم احنا مش عاوزين اكتر من حقنا وشوية اهتمام بالقرى اللى حقها ضايع والناس فيها بتموت مش حكاية تلف أغذية
سالى محى
الأحد, 31 يوليو 2011 - 02:04 am
تابع
بلاش الى بعيد عن الازمه يتكلم كده وخلاص احنا مش معترضين على اغذيه تلفت عند ناس كانت عامله حساب شهر رمضان ومافيش امكانيات تجيب غيرها احنا بنتكلم فى الاساس على مكان حيوى بيعيش فيه بشرموهملين مفيش حد بيفكر فيهم لمجرد انها قريه القريه دى فيها ناس شغاله وعمال برضو بتتعطل بسبب قطع الكهرباء والمياه كمان وفوق كل ده فواتير شركه الكهربه والمياه بقت خياليه بحس ان البيوت مشغله تكيف مش قطع الطريق غلط ومحدش اعترض من اهل البلد انه غلط بس كان قطع طريق بحكمه وتفكير يعنى الطريق كان بيمشى ويقف تانى علشان عطله الناس الى مش ليها زنب وكان هدفه الاساسى لفت نظر شركه الكهرباء ان فى ناس عايشين فى البلد دى ليهم حقوق لازم يخدوها وعدم الاستخفاف بالقرى لحساب ى مكان اخر
أبوالمعالى فائق
الإثنين, 01 أغسطس 2011 - 03:03 am
رد على تعليقات واحد من أهل القرية
إلى صاحب التعليقات أود أن أخبرك بأن هذا الخب يعتبر الوحيد الذى تم نشره عن هذا الموضوع،وحينما ذكرنا أن الأهالى ألقوا المواد الغذائية فى القمامة لنلقى الضوء على كبر حجم المشكلة وأن لها فترة لدرجة أن الأشياء قد تلفت فما العيب فى ذلك،وأين هو الخلط،وللعلم أن الذين أخبرونا بالموضوع هم من سكان المنطقة،ولم يستخف أحد بأهل القرى،وكلنا من الأرياف،وكان الهدف من النشر هو حل المشكلة،وعلى فكرة الكهرباء جاءت فترة فتم فتح الطريق ثم قطعت مرة أخرى فتم قطع الطريق.والحمد لله أن انتهت المشكلة.
من اهل القرية
الأربعاء, 03 أغسطس 2011 - 08:29 am
حرام قطع النور كل سنة قبل رمضان
علي فكرة يا جماعة الموضوع دة بيتكرر كل سنة قبل رمضان الشركة تاخدلها اسبوع في قطع النور لساعات طويله ايه هو السبب مفيش حد يعرف بيقولوا بيخففوا الضغط ع الكهربا او بيوفروا للمدينة الكهربا او صيانة قبل رمضان دلوقتي الناس في القرية الكهربا شغاله عندها في بيوتها ع طول بمعني ان بئي في كل بيت اكتر من جهاز تليفزيون و تكيف و مراروح يعني كدة كدة الكهربا شغالة ع طول بلاش بئي الحجج و نقول اصل صيانه عشان كهربا زيادة في رمضان في في البلد مرضي و كبار سن و اطفال ميستحملوش الحر و قطع المياه و النور لان المياه في القرية مرتبطة بالنور و كمان بخصوص قطع الطريق شباب البلد كانوا بيعدوا الناس اللي ع الطريق من طرق داخل البلد عشان مواعيدهم و اعرف ناس عملت كدة فعلا و وصلت اكتر من اسر الي طرق توصل للمدينة فحرام قطع النور لايام متواصلة