علق زياد العليمي، البرلماني السابق على بيان النائب العام أمس السبت، عن تطورات قصة مقتل الطالب الإيطالي جوليو ريجيني، الذي قالت فيه إن هناك شكوك ضعيفة بشان ارتباط أفراد العصابة الذين قتلوا في مواجهة مع الشرطة بواقعة قتل وخطف ريجييي. وكتب العليمي في حسابه على "فيس بوك"، اليوم السبت: البيان معناه إن النيابة العامة شايفة إن الخمسة اللي إتقتلوا وقدمتهم الشرطة لينا باعتبارهم عصابة تحترف قتل الأجانب، إتقتلوا ظلم، ودة معناه، إن النيابة العامة لازم تحقق في واقعة القتل وتقدم اللي قتل ? مصريين للمحاكمة، علشان على الأقل ما يأكدوش كلام أم ريجيني اللي بتقول إن حياة المصريين مالهاش تمن عند حكامهم: "قتلوه كما لو كان مصريًّا، كذلك إخلاء سبيل ? من أهالي الضحايا محبوسين بتهمة التورط مع الضحايا في قتل ريجيني". وأضاف العليمي: "كذلك النيابة العامة لازم تقول لنا حاجات ريجيني اللي لقوها مع المواطنين اللي إتقتلوا واللي طلعوا مظلومين في موضوع ريجيني، جت منين؟ ومين اللي حطها مع الشباب دول، وجاب متعلقات ريجيني منين؟". وتابع العليمي: "عاوز تعرف يعني إيه إنتم نور عينينا عملي؟ القضية دي فيها ? ضحايا مصريين؛ ? منهم إتقتلوا، و? في السجن بتهمة قالت النيابة إنها مش ثابتة في حقهم، ومواطن إيطالي واحد، بلده بتساعد أنه علشان تعرف حقيقة اللي حصل لإبنها في بلد تانية، ومبهدلة النظام الحاكم في مصر في كل حتة علشان يعرفوا حقيقة اللي حصل، ويحاسبوا المجرم". وقال العليمي: "مصر فيها شباب كتير في السجون، علشان حلموا إن بلدنا تبقى ملك شعبها، والسيادة تكون للشعب، ولما ده هيحصل، هيبقى المواطن المصري نور عينين حكامه بجد، ويقبلوا الدنيا علشان يثبتوا إن مواطنيهم نور عينيهم، لإن شعوبهم هي اللي بتجيبهم، وبتمشيهم، وبتحاسبهم".