بيافطة كبيرة| "كوباية شاى بوزعزيزى الرحاب" أمام السفارة المصرية فى لندن

نشرت الناشطة السياسية عزة زكى، صورة لها من أمام السفارة المصرية بلندن وهى تحمل يافطة تندد فيها بمقتل عامل فى مدينة الرحاب بالقاهرة الجديدة على يد أمين شرطة.
ونشرت عبر صفحتها على موقع التواصل الاجتماعى فيسبوك، صورة لها وكتبت فى المنشور،
فقط في مصر ‫#‏كوباية_الشاي‬ ببلاش
يا رصاصة في قلبك علشان العين ما تعلاش
النهاردة فيه أمين شرطة ضرب واحد بالنار موته لانه طالبه بحقه في كوباية شاي فكان رده " إحنا ما بندفعش".
إحنا دول مين و ليه ؟
هي دي أصل الحكاية يا مصر
هتفضل الحالات الفردية و هتفضل الشرطة بلطجية
طول ما بتحكمنا العصابة العسكرية
فهاعيد كلامي ده للمرة المعرف كام:
يا عالم المنظومة كلها فاشية متعفنة
القصة مش حاتم القصة إزاي أصلا نقضي علي وجود حاتم و كل حاتم .
القصة مش أمناء شرطة بس
القصة مش ‫#‏الشرطة_البلطجية‬ بس
القصة إن العصابة اللي بتحكمنا من سنين جعلت من المنظومات اللي مفروض مهمتها خدمة و حماية حقوق الشعب
في صورة ميليشيات تخدم مصالحهم و أصبح الشعب اللي هو صاحب الحق خارج المنظومة و سكن مفهوم الميليشيات دي إنهم فوق الشعب كلٌ بمقامه .
( دولة السادة و العبيد )
حاتم موجود في كل و أي منظومة تبع العصابة العسكرية .
حاتم موجود في الجيش في الداخلية في القضاء في البنوك في كل الوزارات حتي في المدارس و الجامعات .
يبقي القصة زي ما قولت في منظومة كاملة مش شرطة بلطجية زي ما عاوزين يصدرولنا كلامهم !.
ده حتي وصل الفُجر إن ‫#‏داعش_فرع‬ ‫#‏مصر‬ عاوزين يصدرولنا إن المشكلة في أمناء الشرطة و بس .
ده حتي عندنا مسمي رئيس بيقول إحنا مش زي أوروبا حقوق الإنسان عندنا غير عندهم طبيعي ما هو حاسس هو و عصابته انهم في عزبة ورثوها من أم اللي جابوهم بمن عليها من عبيد في خدمتهم و بس !!!.
و بالتالي مش هنشوف نور و لا الشعب هيستعيد كرامته و حقوقه و إنسانيته غير لما ‫#‏يسقط_يسقط_حكم_العسكر‬.