صور فاتورتك وانشرها| مواقع التواصل تنتفض ضد ارتفاع فواتير الكهرباء والمياه

دشن مشاهير ورواد مواقع السوشيال ميديا "فيس بوك وتويتر" هاشتاج بعنوان "امسك فاتورة" احتجاجًا على ارتفاع أسعار فواتير الكهرباء والمياه.
وبدأ تدشين الهاشتاج بعد مقارنة الكاتب الصحفي تامر أبو عرب فواتير استهلاكه خلال الفترة الحالية بنظيرها في العام الماضي، حيث قال: “لما ببص في فواتير الكهربا والغاز والمياه كل شهر وأقارنها بفواتير نفس الشهور السنة اللي فاتت بلاقيها زادت الضعف علي الأقل".
وتابع: "والمياة تحديدًا زادت بطريقة جنونية 7 و8 أضعاف لدرجة إني دافع في 4 شهور 305 جنيه مع إني مكنتش دافع في نفس الفترة السنة اللي فاتت 37 جنيه".
وواصل: "مش عارف ده حاصل معايا لوحدي ولا عند كل الناس، اتكلموا عن تجربتكم مع الفواتير، امسك فاتورة?".
وعلى خلفية ذلك تضامن عدد كبير من المشاهير والنشطاء مع الهاشتاج، حيث قال الإعلامي الساخر باسم يوسف: “الحقيقة موضوع الفواتير ده بعيد عني لأَنِّي لعيد عن مصر، بالنسبة للناس اللي في مصر هل الموضوع ده فعلاً فيه الزيادات الرهيبة دي؟ ايه تجربتكم بالنسبة للفواتير؟".
وعلق البرلماني السابق مصطفى النجار: “الحقيقة فواتير الكهرباء والمياه بقت بلا منطق ويقولك ادفع وبعد كدا اشتكي، لوحد فهم سبب الزيادات أومبرراتها يفهمنا، امسك فاتورة".
وذكر المحامي جمال عيد مدير الشبكة العربية لمعلومات حقوق الإنسان: “فواتير المياة والكهربا والغاز، واضح إنها مش شكوى خاصة بناس معينة، دي كارثة على الجميع، فعلاً هاشتاج معبر "امسك فاتورة".
وأردف الناشط السياسي شادي الغزالي حرب: “نظام بيشيل الدعم من على رجال الأعمال ويزود الفواتير على الغلابة، الاستثمار مش بيزيد والشعب معاناته هي اللي بتزيد "امسك فاتورة".
واستطرد البرلماني السابق زياد العليمي: “ارحموا فقراء شعبنا، الفقراء مش هيدفعوا تمن فشلكم في الإدارة طول الوقت، النظام بيدفع البلد للانهيار، امسك فاتورة".
وروى الكاتب الصحفي محمد الجارحي: “امسك فاتورة، ليه يعني الزيادة تبقى اكتر من ??? ? ده افترا".
وعلق النائب هيثم الحريري عضو مجلس النواب: "صور فواتير المياه والكهرباء والغاز وانشرها، الحكومة ترفع الدعم من أجل الأغنياء وضد الفقراء، امسك فاتورة?".
ولم يقتصر الأمر على المشاهير فقط، بل تضامن عدد كبير من النشطاء مع الهاشتاج منددين بارتفاع ا?سعار.