إهمال الانقلاب.. فلاحو الفيوم: بنسقى الزرع بمياه الصرف الصحي

إثر إهمال سلطات الانقلاب بأزمات الفلاحين اشتكى مواطنون في قرية ترسا بالفيوم من أنهم يرروون زرعهم من مياه الصرف الصحي، إذ إن الترعة الرئيسية التي تغذّي القرية والقرى المحيطة بها تبدأ من منطقة منشأة عبد الله بالقرب من مدينة الفيوم، والتي تقوم عندها محطة الصرف الصحي التابعة للمنشأة بالتسريب على الترعة، مما يسبب التلوث بها.
يقول الحج أبو خالد، أحد المزارعين: "المية بتيجي لنا طبعا مش صافية ومش نضيفة، وبنضطر نسقى بيها، هنعمل إيه؟ هنبوّر الأرض يعني؟ واشتكينا للوحدة الزراعية هنا قالوا لنا ده تبع المجلس المحلي، والمجلس المحلي يقول لنا ده مش اختصاص المنطقة بتاعتنا، اشتكوا فى الفيوم، ولا حد راضي يحل لنا المشكلة".
ويضيف محمد سعيد، مزارع: "المية اللي بنروي بيها بتأثر على الزرع وعلى صحة الناس، بس هنعمل إيه مش بإدينا حاجة، الحكومة مش خايفة على صحة الناس، وإحنا بنزرع وخلاص".
ويقول الحج صلاح، أحد المزارعين: "المية باين عليها إنها ملوثة، لونها أبيض من المواد الكيماوية اللى بيسخدموها في محطات الصرف الصحي، واشتكينا وكتبنا شكاوى من زمان، الموضوع ده أصلا مش من قريب، يعنى لا يوم ولا اتنين، ده بقاله سنة".