الوصايا العشر ل «إنقاذ الرئيس»

نقلا عن العدد الأسبوعىمن الرئيس القادم.. محمد مرسي أم أحمد شفيق؟ لايهم لكن الأهم أن يضع الرئيس القادم عدة اعتبارات نصب عينيه، وأن يتجرعها قبل وبعد الوجبات الثلاث يوميا .النهار تقدم نصائح ذهبية وروشتة سحرية للرئيس الجديد حتي لايلقي مصير سلفه وتنقلب عليه ميادين مصر في ثورة جديدة، وساعتها لن ينفعه لا جمل ولا حمار.الشعب يكتب للرئيس القادم روشتة بها عشر نصائح والنهار رصدتها بنوع من الدعابة التي يشتهر بها المصريون .بلاش اسكواشياريت لو كنت رياضيا تختار لعبة شعبية وتكون هي لعبتك المفضلة، وأوعي تقول للناس إنك تصحي الصبح تلف التراك ثلاث مرات وبعدها تلعب اسكواش.. وطبعا مش هتلاقي لعبة شعبية أحسن من الكرة الشراب.تخلص من السيدة الأولىإذا كنت متزوجا ننصحك بأن تطلق زوجتك طلقة بينونة صغري، فترة السنوات الأربع للحكم علي أن تراجعها بعد انتهاء مدة الرئاسة.تحب تتنحي.. روح شرمعشان تتجنب لعنة شرم الشيخ ننصحك بالابتعاد أو الامتناع عن الذهاب لشرم الشيخ وسيب الناس تتمتع بيها، وإذا كان ولابد تصيف ممكن تروح مصيف بلطيم، وعلي فكرة المرشح السابق للرئاسة هيعمل معاك واجب كبير هناك حمدين صباحي ماهي بلده هيستضيفك عنده وهيجيبلك شاليه محترم في شاطئ الأمل شاطئ المحافظ وكبار المحافظة هناك، وبالمناسبة بيقولوا عليها عشة في بلطيم مش شاليه.بلاش أولادوبس أرجع وأقولك لو أنك مش علي هوي حمدين هيأجرلك ملحق عارف يعني أيه ملحق يعني أوضة وحمام ومطبخ وممكن يبقي فيه صالة!!لو ربنا كارمك وعندك أولاد وياريت ميكنش فيهم حد اسمه جمال أو علاء.. لو كده فحكم الشعب أن ينفوا لمدة عام من البلاد علي أن يجدد النفي سنويا طيلة فترة الرئاسة.الحاشيةتخلص منالحاشية المحيطة بك فورا، وخصوصا المدير الرئيسي لحملتك الانتخابية ومساعديه، ومديري حملات المحافظات، وكن متيقنا أن الشعب راصد لأسماء وهوية هؤلاء جيدا، وحتي لا يصل الفساد للركب مرة أخري.كله تمامخد بالك كويس لما تروح تفتح أي مشروعات كبري، أو مشروعات قومية من بتاعة زمان، أو - لاقدر الله- وعملت مرور علي المصالح الحكومية، وعملت جولة تشوف فيها أحوال الرعية، وبلغوك المسئولية أن كله تمام أول ما تسمع العبارة دي تعرف إن مفيش أي حاجة تمام، وتنسي عهد التقارير اللي كانوا بيلفقوها زمان في التقارير، ويقدموها جاهزة لسلطان الزمان.خليك رياضي.. لئيمعليك أن لاتعلن عن هويتك الرياضية فتحدث فتنة بين الجماهير بسبب تأييدك للنادي الفلاني أو العلاني، وأوعي تحضر أي مباراة رياضية لغير المنتخب الوطني.ضميك حصانكالوسادة.. دي أهم حاجة، وطبعا دي مش فيلم الوسادة الخالية بتاعة عبد الحليم حافظ، لأن احنا اتفقنا من الأول إنك هتطلق السيدة الأولي، فياريت تكتب علي مخدتك عبارة عمر بن الخطاب من جاءني مظلوما ولم أنصفه فأنا الظالم له، وطبعا علي يمينك وشمالك زي ما اتفقنا برده قبل كده صورة مبارك في القفص.. كده هتنمام وأنت مرتاح ومؤكد لو نفذت الروشتة دي هتبقي أنت الحاكم العادل.ألبوم الذكريات السوداأبوما الصور السوداءتذكر دائما صورة الرئيس السابق حسني مبارك والتي رآها العالم أجمع أثناء محاكمته، وهو ملقي علي ظهره علي سريره الطبي داخل القفص في المحكمة خلال نظر قضيته في اتهامه بقتل ثوار 25 يناير.الوسادة الخاليةوننصحك بأن تضع في غرفة نومك من هذه الصورة نسختين، الأول علي الكومودينو اليمين والثانية علي الكومودينو الشمال، عشان تبص عليها قبل ما تنام، وكمان كل ما تنقلب علي ظهرك وجنبك طول الليل.. ده إذا كنت أصلا ناوي تشيل المسئولية.خليك سبورفي نهاية روشتتنا بنقولك خليك سبور وناعم وكريم وتحلي بالروح الرياضية مع اللي حاولوا يبهدلوك ويشوهوا صورتك، وعليك أن تخيب ظنهم.