الرسالة الأخيرة لإحدى ضحايا عقار الشرقية قبل وفاتها

حصلت مصادر على المنشور الأخير الذى كتبته رحمة محمد إحدى ضحايا كارثة انهيار عقار سكنى بمدينة منيا القمح أمس الاثنين فى محافظة الشرقية.
وكتبت رحمة قبل وفاتها فى الحادث بنحو ساعة على صفحتها الشخصية على موقع التواصل الاجتماعى "فيسبوك" منشورا جاء فيه: "لما بتنزل تحت الدش وتقف فتره طويله تستحمى .. بتلاقى صوابع رجلك وايدك كرمشت .. جسمك تحس انو بيبوش صح ..؟!! سيدنا يونس وهو فى بطن الحوت فضل 3 ايام جوا بطنه .. والحوت طلعه من بقه ورماه ع الشط .. وكان جسم سيدنا يونس بايش تمامآ زى صوابع رجلك وايدك وانت بتاخد دش واكتر !! شوف كميه الحنان اللى فى الآيه ربنا بيقول " وانبتنا عليه شجرة من يقطين " تخيل كده الشجرة وهى بتطلع جنب سيدنا يونس عشان تضلل عليه لأن الشمس لو لمسته وهو بالشكل ده هياخد ضربة شمس ويموت !! وشوف كمان قال وانبتنا .. مقالش وكانت بجواره شجره .. لا دى شجره طلعتله مخصوص !! واليقطين ده .. يعنى شجره ورقها تخين الورقه حجمها نفس حجم ودن الفيل ! .. بحيث تكون ضله تمامآ وتحميه من شعاع الشمس لحد ما يفوق وجسمه ينشف وترجع قوته من جديد .. ربنا طيب .. هيضلل عليك ويحميك .. مهما تبوشك الأيام والصعوبات .. مهما تحس بضعف وكسره .. ربنا هيطلعلك الخير من وسط المحنة .. حتى لو انت مش شايف الخير ده زى سيدنا يونس مكنش شايف الشجره !! صدقنى هتلاقى الحلول طلعتلك فجأه من حيث لا تدرى زى شجره يونس !! .. اسند على ربنا واستقوى بيه لأنه قوى هيقويك وهيجعلك تستعيد قوتك وتقدر تواجه اى شئ .. اوعاك تقلق !! ربناا مش هيخزلك مهماا كان الحزن والهم .. هيوفقك ويحققلك حلمك .. اصبر_لحكم_ربك فإنك بأعيننا".