بالفيديو.. مشادة على الهواء بين مرتضى منصور ومحمد العدل

وقعت مشادة كلامية بين المنتج السينمائي محمد العدل ، والمستشار مرتضى منصور ، رئيس مجلس إدارة نادي الزمالك، مساء السبت، في برنامج «العاشرة مساءً» على قناة «دريم» والذي يقدمه وائل الإبراشي، على خلفية ما أثير عن تصريحات حول منع هاني شاكر ، نقيب المهن الموسيقية بمنع مشاهد العري والإثارة.
حيث قال منصور لمحمد العدل في مداخلة هاتفية جمعت بينهما ردا على تعليق الأخير بأنه كان يتمنى أن يكون تعليق منصور بألفاظ أقل حدة وأنه لا داعي من ذكر الملابس الداخلية وذكر ألفاظ بهذا الشكل، فرد عليه منصور قائلاً: «أنت مش مكسوف من النسوان العريانة اللي بتدافع عنهم.. يا أخي اتكسف انت اللي تتكسف».
وأضاف منصور، أن «الأستاذ هاني شاكر من حقه ياخد قرار بالمنع أو إحالة للنيابة العامة، كفاية قلة أدب وكفاية قاذورات، إنت عايزني أغير المحطة، لأ هما يلبسوا هدومهم ويطلعوا، لكن أنا أستمتع باللحن والحنجرة، ولا أستمتع بالصدر، أنا باقول الكلام ده، أنا مستشار المهن الموسيقية، دون أجر، ولا مؤاخذة المرة اللي مش عاجبها تلبس هدومها، في ألف داهية، ما إحنا عندنا آمال ماهر لابسة ومحترمة وشيرين وماجدة الرومي ناس كويسة، هو كل ما واحد نقيب ييجي ياخد خطوة تقربنا للأخلاق نهاجمه».
وتابع: «يا دكتور محمد أنت ليس لك صفة للتدخل في عمل نقيب الموسيقيين، الجمعية العمومية اختارته ولما ياخد قرارات غلط تعالي قوله يا أستاذ هاني (ستوب) أنت أخدت قرار غلط مش هانتخبك تاني، مش كل ما النقابة تاخد قرار يا دكتور محمد تاخد قرار نعترض، أنت راجل عضو غرفة صناعة السينما، تاخد قرار بدخول أفلام أجنبية أو منعها، ولما تغلط فيه اتحاد الصناعات، ولما يغلط الاتحاد فيه وزير الصناعة، ولما يغلط الوزير فيه محكمة، إنما حالة الفوضى اللي احنا عايشين فيها دي، وكل واحدة جايبة واحد عمال يتحرش بيها علنًا، ويحتك بيها علنا، وبعدين تتكلموا عن الشباب الصغير اللي بيتحرش دا مش أخلاق ودا مش فن، ولو هاني شاكر قال مناشدة معتقدش إن أخلاقه هو راجل يعرف ربنا، وإحنا مش متعصبين، ولكن إحنا بنخاف من ربنا».
وأضاف «العدل»: «لما ييجي نقيب يمسك نقابة ويطلع قرار برة اللائحة اللي تم انتخابه بيها، يبقى لازم نعترض، أنا ضد الابتذال، إحنا عايزين نتقرب من ربنا، لكن باللي هو بيقوله (مرتضى منصور) ده المفروض شادية وصباح مكنوش يطلعوا».
وتابع: «هو الغنا دا بيتعمل بالصوت ولا الأرداف هاتلي كليب دلوقتي بيتعمل بالصوت، اللي عايزة تخش الحمام تقلع واللي عايزة تغني تحترم نفسها.. خليني محتفظ باحترامي ليك».
ورد عليه «العدل» قائلا: «هو أنت أي حد بيقول كلام مختلف معاك يبقى ضد مصلحة البلد».