سائق نقل يعترف: «أنا مدمن مخدرات وأستاهل ضرب الجزمة»

اعترف أحد سائقي سيارات النقل ويدعى «عمرو»، من محافظة أسوان، بإدمانه للمخدرات، قائلًا: «أنا سواق عربية كبيرة، ومدمن مخدرات، وبشرب كل حاجة، حشيش وأفيون وكله، بس مفيش حد ما بيغلطش».

وأضاف السائق، خلال مداخلة هاتفية له ببرنامج «صبايا الخير»، المذاع عبر فضائية «النهار»: «أنا غلطت زمان وشربت مخدرات، وبقيت مدمن، وأستاهل ضرب الجزمة بسبب اللي عملته ده».

وتابع: «أنا وكل السواقين في مصر صيّع، ومالناش مستقبل، إحنا تايهين في الدنيا، وبروح أي مكان علشان أشتغل، أو بنك علشان أخد قرض واشتري عربية اشتغل عليها، يقولولي إنت صايع».