فرحة تأجيل الدراسة بالجامعات تشتعل على فيسبوك وتويتر

تفاعل مستخدمو مواقع التواصل الاجتماعي "فيسبوك وتويتر" مع قرار الدكتور السيد عبد الخالق، وزير التعليم العالي، بتأجيل بدء العام الدراسي الجديد ليوم 11 أكتوبر المقبل.
وشهدت مواقع التواصل الاجتماعي حالة من الفرحة لقرار التأجيل إلى جانب حالات من التساؤل حول غموض هذا القرار حيث اعتبر "عبد الفتاح علي" صدور القرار للوقوف أمام مظاهرات الشباب حيث قال:" عايزين يقللوا فترة وجود الشباب داخل الجامعة ..الخوف من الشباب".
وغردت ندى محسن قائلة:" الجامعة اتأجلت ل11 أكتوبر *زغاريط*" وأضافت @Ranation_16 :" فرحانة جداً بتأجيل الدراسة هقعد شهر تاني في البيت".
وقال مصطفى ماهر:" ايه ده انا فرحت ان الجامعة اتأجلت مع اني عايز اخلص من السنة دي عشان شايل مادتين" وسخر محمود علاء:" أنا بقول تلغوها خالص مظاهرات بقي ووجع دماغ وانتوا مش وش بهدلة :D :D :D". بالإضافة إلى تعليق أسامة سلطان:" وزير التعليم العالي يقرر تأجيل الدراسة بالجامعات حتى 11 أكتوبر ! :D ..باينها سنة زي العسل إن شاء الله :D".
وفي سياق متصل قالت منى الأمين:"هو احنا تحت أمركوا..ويا ترى ايه السبب المرة دى؟!!!" وأضاف عبدالرحمن فهيم:" هي لو الدراسة تقيلة علي قلبكوا اوي كده ادونا الشهادة من دلوقتي وخلاص مش هنضايق والله".
وعلقت @memzii94 :" بيفضلوا يأجلوا في الدراسة وفي الاخر بيطلع على دماغ اللي خلفونا في كلية طب لما يكروتوا الكتاب في إسبوع -_-" ، وأضافت عبير وحيد:" وها هى حالة من الفرح العام تسود فيس بوك وتوتير لخبر تأجيل الدراسة".
وكان الدكتور السيد عبد الخالق وزير التعليم العالي أصدر قراراً رسمياً بتأجيل بدء العام الدراسي الجديد لأول سبت من بعد عيد الأضحى المقرر له 11 اكتوبر المقبل.
وأرجع عبد الخالق، فى تصريحات خاصة سبب التأجيل لعدم جاهزية المدن الجامعية بعد ورود تقارير رسمية من رؤساء الجامعات بذلك.