ابنة سعيد صالح:لابد أن تظل سيرة أبى طيبة بعد وفاته ولن أسمح بغير ذلك

وجهت هند ابنة الفنان الراحل سعيد صالح شكرًا لجميع الفنانين الذين حضروا عزاء والدها، وجاءوا خصيصا من خارج القاهرة لحضور العزاء والعودة مجددا، وأنهم لم يتركوها فى هذا الموقف، كما طالبت الجميع بألا يرددوا كلاما عن مشاكل فى حياة والدها، وأن يدعو له فقط بالرحمة.
وكتبت هند على صفحتها الرسمية على موقع "فيس بوك": "بشكر كل اللى جه عزا حبيبى بابا الله يرحمه سعيد صالح والله ما كنت متخيلة حب الناس ليه كده، يمكن عشان أنا بنته وواخدة عليه من زمان فبحبه بأسباب.. لكن عشان تحب حد من غير أسباب بالطريقة دى! ده اللى الحمد لله ربنا كرم بابا بيه".
وأضافت "سعيد صالح راح ومش باقى منه غير ذكرى.. من فضلكم اترحموا عليه بس وبلاش ترددوا أى كلام فى أى مشاكل مالهاش وجود، لأن صاحبها راح عند اللى خلقه".
وأضافت "هند" على صفحتها بالفيس بوك: "الحمد لله أنا وأمى سيرتنا طيبة فى الوسط الفنى.. كفاية عندى إن عمى فاروق الفيشاوى بعد ما عزانى قالى فين نادية أعزيها.. مقاليش فين ماما.. لأن هو وماما عشرة عمر بعيد عن بابا.. كفاية عندى إن ماما كريمةمختار توصل لحد العزا وماتقدرش تنزل من العربية بس تقول اندهولى هند ونادية.. سعيد صالح سيرته لازم تفضل حلوة زى ضحكته ومش هسمح بغير كده".