جعفر مهاجما ميدو: أنا لعبت 15 ماتش وجبت جونين أنت لعبت 3 سنين جبت 3

هاجم أحمد جعفر مهاجم فريق إنبى المنتقل حديثاً إلى الفريق البترولى قادماً من نادى الزمالك، فى صفقة انتقال حر لمدة 4 مواسم بعد استغناء الفريق الأبيض عن خدماته مقابل تنازله عن مستحقاته، أحمد حسام "ميدو" المدير الفنى للزمالك عبر موقع التواصل الاجتماعى "تويتر".
قال جعفر: "ياريت يا كابتن ميدو يا محترم خلاص أنا سبتها ومشيت وإذا كنت أنا لعبت 15 متش وجبت جونين بس عملت 4، أنت لعبت 3 سنين جبت 3 تجوال".
وواصل اللاعب هجومه قائلاً: فبعد إذنك ركز مع فريقك وخلاص أنا سبتها ومشيت آه، بعدين إشمعنا السنة دى جبت جونين، ما أنا السنة اللى فاتت جبت 16 جول وجبت كأس الحمد لله.
أضاف جعفر عبر تغريداته، هيا ليه الناس عايزين الناس تغلط فينا ونفضل ساكتين، يا عنى كمان نسكت خالص مش فاهم يعنى، وبعدين أنا مشيت خلاص مش موجود فى النادى.
واختتم جعفر وصلة الهجوم على "ميدو"، قائلاً: بالتوفيق لنادى الزمالك الماتش اللى جى ماتش صعب ربنا معاهم، وأنا هقفل تويتر علشان الناس اللى زعلانه إنى برد بس أنا مغلطش فى النادى ولا الجمهور.