أحمد جعفر لميدو :" لو أنا جبت هدفين في 15 مباراة .. إنت جبت 3 أهداف في 3 سنين "

وجه أحمد جعفر مهاجم نادي الزمالك السابق انتقادات حادة للكابتن احمد حسام " ميدو " المدير الفني للفريق الاول لنادي الزمالك لكرة القدم ردا على التصريحات التي اطلقها الاخير ضد اللاعب الذي انضم لانبي في صفقة انتقال حر لمدة 4 سنوات بعد تنازله عن مستحقاته المالية .
وكتب جعفر في صفحته على موقع التواصل الاجتماعي " تويتر":" ياريت يا كابتن ميدو يا محترم خلاص أنا سبتها ومشيت وإذا كنت أنا لعبت 15 متش وجبت جونين بس عملت 4، أنت لعبت 3 سنين جبت 3 تجوال".
وأضاف :" فبعد إذنك ركز مع فريقك وخلاص أنا سبتها ومشيت آه، بعدين إشمعنا السنة دى جبت جونين، ما أنا السنة اللى فاتت جبت 16 جول وجبت كأس الحمد لله
.وتابع جعفر في تغريدته :" هيا ليه الناس عايزين الناس تغلط فينا ونفضل ساكتين، يا عنى كمان نسكت خالص مش فاهم يعنى، وبعدين أنا مشيت خلاص مش موجود فى النادى.
واختتم :" بالتوفيق لنادى الزمالك الماتش اللى جى ماتش صعب ربنا معاهم، وأنا هقفل تويتر علشان الناس اللى زعلانه إنى برد بس أنا مغلطش فى النادى ولا الجمهور."
وكان احمد حسام ميدو قد اشار إلى جعفر في احد حوارته الصحفية لصحيفة " المصري اليوم " مبررا استغنائه عن نجوم الفريق الكبار بان احد اللاعبين المستغني عنه لم يحرز سوى هدفين في 15 مباراة .. فكيف يسمح له بالاستمرار مع الزمالك؟. جدير بالذكر أن نادي الزمالك استغنى عن مجموعة كبيرة من لاعبيه الاساسيين وتعاقد بالفعل مع اكثر من 15 لاعبا في اطار سعي النادي للعودة اإلى منصات التتويج وحصد الألقاب .