شباب الفيس بوك : الثورة في مرحلة مخاض .. و احداث العباسية تكررت في كل ثورات العالم

هشام علاء اشتراكى..ناصرى..اخوان..سلفى..مسلم..مسيحى..ليبرالى..يسارى..علمانى..إسلامى..اى لون لك تدافع عنه و يتم إيهامك بإنه فى خطر و انك يجب ان تضرب فى اخوك اللى واقف جنبك عشان مختلف معاك فى اللون ده..احب اقولك ان كل الالوان دى حاليا ليس لها اهمية و لا معنى فى مقابل لون جلدك الاصلى اللى بيحاولوا ينسوهلك..لون جلدك الاصلى هو انك مصرى..فاكر اللون ده؟لو نسيت اللون ده زى ما بيحصل دلوقتى..هتصحى فى يوم مش هتلاقى جلدك اصلا عشان تلونه
ايات الموافي : احنا قرفنا..كل شوية يتقال مسيرة ومليونية..حرام الى بيحصل فينا وفى البلد ده..اية الى يخلى الناس تروح المجلس العسكرى ويعملوا اشتباكات..ارحمونا..احنا تعبنا وزهقنا
فيروز عمر سؤال : المواطن المصري البسيط لما بيشوف "العك" اللي في العباسية بيقول إيه ؟ أنا أدعوك يا أخي : أن تؤمن بأن ما يحدث بكل فظاعته هو أمر طبيعي حدث في كل دول العالم بعد أي ثورة ، و أن المخاض قد يستمر لأعوام ، و أن تؤمن أن "الغد" سيكون أفضل من "الأمس" .. و لكن بشرط : أن تسأل نفسك : ما هو دوري في هذه المرحلة التاريخية و ماذا سأقول لله عندما يسألني هل أديت واجبي أم لا ؟؟ قد يكون هذا الدور بسيطا جدا .. و مؤثرا جدا