حرارة الثورة

ثورتنا ثورة عظيمة ومش غارة
ولا عركة بين عيلتين جوه في الحارة
ولا زفة بين فريقين.. طبلة وزمارة
ليه تحزني يا مصر وتعيشي في مرارة
افرح وغني يا نيل واملا الشطوط مواويل
طول مافي مصر جيل
أصيل وزي الدهب أحمد يا أبوحرارة
ضحي بنور العين والبسمة علي وشه
زاهد في دنيا الوطن وغيره بيحشوا
عاشق وعشقه مصر وناس كتير غشوا
باعوا الميدان برخيص وراحوا يتعشوا
ع البرلمان رهوان بالغش يا خسارة
وانت الخلاص والأمل يا أحمد ياأبو حرارة
مغارة العسكري مفتوحة للمشتاق
وللي خان شعبنا في إمبابة والوراق
والزاوية والسيدة وابن البلد في بولاق
لحسوا البيادة ومسحوا بلسانهم الفشلاق
ثورة صنعها شباب ضحوا بنن العين
ركبوا عليها البوم وداسوا ع الأشلاء
وانت بوطن مهموم يا أحمد يا أبو حرارة