نائب حاكم الشارقة ورئيس مجلس القضاء في زيارة رسمية إلى العاصمة الجديدة    محافظ الوادي الجديد يتفقد تقدم أعمال إنشاء مدرسة المتفوقين STEM    محافظ الوادي الجديد يعتمد النزول بسن القبول بالصف الأول الابتدائي بالمدرسة الرسمية الدولية    أهم القرارات الحكومية اليوم في العدد 182 بجريدة الوقائع المصرية    أسعار سبائك الذهب اليوم الاثنين 18 أغسطس 2025.. بكام سبيكة 2.5 جرام؟    نص القرار الجمهورى بالتجديد ل"حسن عبد الله" محافظًا للبنك المركزى    ملك الأردن يجدد رفض بلاده ل "رؤية إسرائيل الكبرى"    الخارجية الفلسطينية تدين قرار الاحتلال الإسرائيلي التعسفي بحق الدبلوماسيين الأستراليين    موقف محمد هاني من مباراة بيراميدز بعد عقوبات رابطة الأندية    برشلونة يرفض ضم نجم إنتر ميلان    تعديل موعد انطلاق بطولة أفريقيا لأندية كرة اليد بالمغرب    حلم الطب.. دموع طالب متفوق    إحالة أوراق المتهم بقتل شقيقته فى سوهاج إلى المفتى    هاني أحمد زويل أول ضيوف "هذا الرجل أبي" على شاشة التليفزيون المصري    يتضمن 20 أغنية.. التفاصيل الكاملة لألبوم هيفاء وهبي الجديد    أسامة السعيد: الموقف المصرى تجاه القضة الفلسطينية راسخ ورفض للتهجير    «أحمديات»: غياب ضمير العشرة    وكيل صحة الإسماعيلية تتفقد دار إيواء المستقبل (صور)    كشف ملابسات قيام سائق "توك توك" بالسير عكس الإتجاه بالإسكندرية    إصلاحات شاملة لطريق مصر - أسوان الزراعي الشرقي في إسنا    تمكين الشباب.. رئيس جامعة بنها يشهد فعاليات المبادرة الرئاسية «كن مستعدا»    «بيطري قناة السويس» تُطلق برامج دراسات عليا جديدة وتفتح باب التسجيل    تووليت وكايروكي يحيون ختام مهرجان العلمين الجديدة (أسعار التذاكر والشروط)    تعرف على الفيلم الأضعف في شباك تذاكر السينما الأحد (تفاصيل)    الأعلى للإعلام: انطلاق الدورة التدريبية رقم 61 للصحفيين الأفارقة من 18 دولة    رئيس الوزراء يشارك في قمة «تيكاد 9» باليابان    هل المولد النبوي الشريف عطلة رسمية في السعودية؟    البحوث الفلكية : غرة شهر ربيع الأول 1447ه فلكياً الأحد 24 أغسطس    الرقابة المالية: 3.5 مليون مستفيد من تمويل المشروعات الصغيرة ومتناهية الصغر حتى يونيو 2025    هل يتم تعديل مواعيد العمل الرسمية من 5 فجرًا إلى 12 ظهرًا ؟.. اقتراح جديد في البرلمان    تحذير رسمي.. عبوات «مجهولة» من «Mounjaro 30» للتخسيس تهدد صحة المستهلكين (تفاصيل)    حبس المتهمين بالتخلص من جثة صديقهم أثناء التنقيب عن الآثار في الشرقية    هام وعاجل من التعليم قبل بدء الدراسة: توجيهات للمديريات    "العدل": على دول العالم دعم الموقف المصري الرافض لتهجير الفلسطينيين من أرضهم    الليلة.. عروض فنية متنوعة ضمن ملتقى السمسمية بالإسماعيلية    نسف للمنازل وقصف إسرائيلي لا يتوقف لليوم الثامن على حي الزيتون    الصحة العالمية تقدم أهم النصائح لحمايتك والاحتفاظ ببرودة جسمك في الحر    "بعد أزمته الأخيرة مع الأهلي".. 10 معلومات عن الحكم محمد معروف (صور)    "كان واقف على الباب".. مصرع شاب سقط من قطار الصعيد بسوهاج    الشيخ خالد الجندي: مخالفة قواعد المرور معصية شرعًا و"العمامة" شرف الأمة    اليوم.. الأهلي يتسلم الدفعة الأولى من قيمة صفقة وسام أبو علي    الديهي يكشف تفاصيل اختراقه ل"جروب الإخوان السري" فيديو    موقع واللا الإسرائيلي: كاتس سينظر خطة لمشاركة 80 ألف جندي في احتلال غزة    الرئيس السيسي يوجه بتعزيز الموارد الدولارية وتمكين القطاع الخاص لجذب الاستثمارات ودعم النمو الاقتصادي    رضا عبدالعال: خوان ألفينا سيعوض زيزو في الزمالك.. وبنتايج مستواه ضعيف    أيمن الرمادي ينتقد دونجا ويطالب بإبعاده عن التشكيل الأساسي للزمالك    في يومها الثالث.. انتظام امتحانات الدور الثانى للثانوية العامة بالغربية    حظك اليوم.. تعرف على توقعات الأبراج اليوم الاثنين    أسعار البيض اليوم الإثنين 18 أغسطس في عدد من المزارع المحلية    «متحدث الصحة» ينفي سرقة الأعضاء: «مجرد أساطير بلا أساس علمي»    مدرب نانت: مصطفى محمد يستحق اللعب بجدارة    انطلاق امتحانات الدور الثاني للشهادة الثانوية الأزهرية بشمال سيناء (صور)    قوات الاحتلال تعتقل 12 فلسطينيا من محافظة بيت لحم    وزارة التعليم: قبول تحويل الطلاب من المعاهد الأزهرية بشرط مناظرة السن    إصابة 14 شخصا فى تصادم ميكروباص وربع نقل على طريق أسوان الصحراوى    الخارجية الفلسطينية ترحب بقرار أستراليا منع عضو بالكنيست من دخول أراضيها 3 سنوات    استقرار أسعار النفط مع انحسار المخاوف بشأن الإمدادات الروسية    سامح حسين يعلن وفاة نجل شقيقه عن عمر 4 سنوات    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



دين أبوهم اسمه إيه؟!
نشر في صباح الخير يوم 15 - 06 - 2011


ريشة كريم عبد الملاك

دين أبونا يا مسلمين
في يقيني
أعز دين
كلمة الحق المبين
كلمة النور الأمين
حكمة يكتبها الإله
فوق جبين الطيبين
دين أبونا يا محمد
إنت سره ومبتداه
إنت إحساسه ومداه
دقة عارفينها ف قلوبنا
لما نخشع للإله
لما نطلب يوم رضاه
لما نركع ..
لما نسجد ..
لما نفرح بالحياة ..
--
دين أبونا إبراهيم
رش جمر النار حنين
ع الخرايط والأماكن
اتولدنا طوافين
ذاكرين
دين أبويا لو مسيحي
رحمة لجل العالمين
نصرة لجل المظلومين
كلمة الحب اللي بايس
الصليب جوه الكنايس
ندهة الأجراس لمريم
والأمان للمجدلية
رحمة ليكو
ورحمة ليّا
المسيح شايل آلامنا
لجل يهدينا السلام
خد أيمن
خد أيسر
العبادة ماهيش كلام
عيش باسم الإنسانية
وانسي ..
نية ..
تدفعك للانتقام
--
دين أبويا
دين إلهي
أينما كان اتجاهي
حتي لو كان دين يهودي
إحنا مش ضد اليهود
موسي ف القرآن .. وليد
يحضنه نيل الخلود
بين إيديه تسعي عصاته
حية ..
وجدودنا شهود
سحرة .. آمنوا برب موسي
انقسم له بحر عاتي
والجبل عرف السجود
رجعت الحية عصايا
حضنت التوراة .. وصايا
اوعي تقتل ..
اوعي تسرق
اوعي تزني
اوعي تقبل بالخضوع
بحر خير الكون يواتي
لما تفرد له القلوع
والجحيم ياكل سنينكو
لو فقير فيكم يجوع
الوصايا هية .. هية
أرتضيها زي ما هي
في ضميري .. وفوق شفاهي
دين أبويا
دين إلهي
أينما كان اتجاهي
حتي لو كان مش إلهي
المجوسي
يترعب م النار ..
ويعبد ..
الإله اللي ف خياله ..
ليه حرامه .. وليه حلاله
تسمعه ف معبد دعاء
تلهمه .. رعشة رجاء
للبقر ناس يعبدوه
ويدينوله .. بالولاء
مش غباء
تعرفوا ف البقرة إيه بيقدسوه ؟!
العطاء
--
دين أبويا
أي دين
فيه عصاة أو مخطئين
بس ف نهاية المطاف
فيه ملايكة .. ومؤمنين
والرضا للصابرين
والهنا للصالحين
فيه ملاذ للعابدين الشاكرين
المشتاقين
رغم الضياع
لليقين ..
دين أبويا ..
أي دين
اللي أنا بأه ما اعرفوش
الوحوش .. الكروش
اللي لو طالوا رقابينا
بينهشوا مابيرحموش
دين أبوهم
اسمه إيه ؟!
اللي داسوا فوق رءوسنا بالبيادة
اللي مشيوا بالبلاد .. للبلادة
اللي فتاويهم فساد للعقل يقضي علي العبادة
اللي مسحوا من الآيات معني الشهادة
لوثوا الدم ف عروقنا
سدوا عين الشمس فوقنا
سرقوا ضوءنا
صادروا نيلنا .. ودفّعونا تمن وضوءنا
دين أبوهم اسمه إيه ؟!
اللي باعوا وطن بحاله
خُضرته .. وصُفرة رماله
نسوته .. وشهوة رجاله
بهجته .. ودمه .. وعياله
خطوته وسنين نضاله
ثورته .. ضد احتلاله
دين أبوهم اسمه إيه؟!
اللي فتحوا القلب لخيول العدو
اللي حبسوا العقل
في زنازين جنون
اللي حاصروا الكرم والتين والزيتون
دين أبوهم اسمه إيه ؟!
مين إلهه ؟!
مين رسوله ؟!
فين كتابه ؟!
فيه ملايكة ؟! ولاّ غابوا
فيه شياطين ؟! ولا تابوا
لما شافوا التابعين
شرهم زاد عن جهنم
شر .. لايمكن حسابه
دين أبوهم اسمه إيه ؟!
حتي فرعون اللي صدق
إنه من نسل الإله
واللي قال إنه الإله
كان بيبني الأهرامات
للممات قبل الحياة
كان له بعث ويوم حساب
كان له دولة ..
حضور ..
إدارة ..
كان منارة
ترشد الكون
للحضارة ..
كان له جيش فارض وجوده
كان محارب بين جنوده
واما يتجاوز حدوده
كان له رب يغرقه
وينقذ يهوده
حتي فرعون اللي صدق إنه من نسل الإله
واللي قال انه الإله ..
كان له كهنة ف العلوم
يقروا ف كتاب الكواكب
يرصدوا سير النجوم
يفتحوله سكك .. بيبان
في سراديب الزمان
ويقولوله إزاي يدوم
حنطوه .. خلدوه
بالمعاني والمباني والرسوم
كانوا كهنة مؤمنين
خلوا كلمة مصر .. دين
حاضرة ف العهد القديم
حاضرة ف العهد الجديد
حاضرة ف القرآن حضور
الآيات فيها تدور
مُفردة عز وجلال
مُعلنة .. وبين السطور
تخترع ثانية وشهور
تخترع شعر وبحور
حتي فلاحها الفصيح
شكوته بتشع نور
إيه يامصر ؟!
إيه يا أرض الطيبين
اللي حكموا ف الزمان دا
يبقوا مين ؟!
دين ابوهم
اسمه إيه ؟!
حد يعرف فيكو دين
كل اتباعه لصوص أو قوادين
ف المعاصي مولودين
ف الكراسي مأبدين
ف التفاهة .. معدودين
ف السفاهة .. مفرودين
ع البلاهة .. مسنودين
للشراهة .. مُجندين
ع القرف .. متعودين
ع الشرف .. متمردين
ع الوطن .. متنمردين
بالخيانة .. موحدين
اللي يعرف دين كده
يقوللي عليه ..
دين أبوهم
اسمه إيه ؟!؟
جمال بخيت


انقر هنا لقراءة الخبر من مصدره.