لمؤاخذة!

فلان : اشتريت "المصري"؟!
علان : للأسف سبقني "كامل أبوعلي"!
فلان : يا أخي أنا قصدي علي "الإنتاج المصري".. مش "النادي المصري".. انت ما سمعتش عن حملة المستر "عمرو أديب".
علان : بس بس.. دي فكرة كويسة فعلا لكن فكرني كده وحياة والدك بالصناعات اللي احنا بنشتهر بيها.
فلان : حاجات كتير ومتبقاش معقد.
علان : اديني مثال؟
فلان : العسلية ونبوت الغفير وغزل البنات.
علان : يا ظالم فيه ثلاجات وغسالات وتليفزيونيات ومراوح.
فلان : ماشي ونسيت الملابس الداخلية.
علان : واضح إنك مش مقتنع بالحملة.
فلان : بالعكس وبعدين أنا مصري وأحب اشتري كل شيء حصري.
فلان : بس أنا اتأكدت ان البلد فيها ناس مخلصه كتير قوي.
علان : زي مين قول فرحني.
فلان : صاحب شركة عقارات قرر يشارك في الحملة وعمل تخفيض 10% علي الشقق المصرية.
علان : وهو فيه شقق مستوردة؟!
فلان : أيوه تدخلها من الشمال لليمين!!