أنا مين .. في عرفهم

لا أنا حزبي ولاشيعي
ولا إخواني أو سلفي
ولا كفّرت خلق الله
وفني .. معبدي وصلاة
وانا مسلم علي الفطرة
وأحقق كل يوم فكرة
إيماني بربي ومحمد
وبالقرآن وبالإنجيل
وبالتوارة
وكل المؤمنين بالله
وبافهم .. إن شرع الله
عمل .. وصلاة
وصون الدم والأعراض
وأحب بلادي والأمجاد
وادافع عنها واستشهد
واراعي حرمة المسجد
وخلق الله
يعيشوا في أمان ونجاة
ولايرعبهم الارهاب
وياخدوا تملي بالاسباب
ويراعوا حرمة الجيران
وبيخافوا علي الاوطان
ويتصدوا لكل جبان
يخون العهد والإيمان
وبيتاجر باسم الدين
يخرّب كل وقت وحين
وأنا مسلم
با صلي واصوم وازكي كمان
واحج واحفظ القرآن
وبعشق فني والاشعار
واشجع كورة باستمرار
وبامشي الصبح ع الكورنيش
وباكل كوز درة وفشار
وباسمع ثومه نص الليل
وباتفرج علي الافلام
واشجع عادل ابن امام
واحب الفرفشة والضحك
ماحبش عكننة وخصام
وكتر كلام
ولما مرة راح أزعل
بكلمة حنينة بارجع
واحب الراجل المجدع
بكلمة حق ولا أروع
واحب تراثنا والامثال
واكره لغو قلنا وقال
ماحبش حاقدين عزال
وباسعي في دنيتي واعافر
وبعد ماجبت م الاخر
أنا في عرفهم كافر