نادي الأصدقاء

حكمة
عادل يونس
ياللي نسيت الحكم وصاحب تغادر بيك
ياللي.. رميت القناعة اتوحلت أياديك
ياللي.. فقدت الكتاب زان الشيطان لياليك
ياللي.. أخدت العظمة من كل جاهل شيك
راعي إلهك.. إلهك في العلي يراعيك
خد حكمة قالها النبي علي الدوام تحميك
لو عزت صاحب مصاحبة ربنا تنجيك
محتاج المال.. القناعة كنزها يغنيك
أما العظمة خدها م الموت اللي راح يوافيك
وان كانشي قول الحبيب المصطفي يرضيك
حارس جهنم بشوق خالص يرحب بيك
لو تبدي يوم لستقامة يمحي كل ماضيك
نور الوطن
هوه الحياة الحلوة والنور والأمان
يحمي شعوب الأرض من غدر الزمان
هوه النشيد. الحب. والشوق والحنان
والنبض جوه القلب بيقول: قول كمان
أنت الجمال يا وطن والسحر والأنوار
وأنت مسيرة الزمن ومعاقل الثوار
فيك الشجن. والسكن والأهل جوه الدار
وفيك قصايد تقول: النصر للأحرار
أسامة القباني
"مصر بخير"
طمن قلبك مصر بخير.. دايماً ربك ليها نصير
محروسة مصر بإذن الله ومهما تمر بوقت عسير
طمن قلبك مصر بخير
مصر حضارة وتاريخ مجيد.. وأرض فيها الخير بيزيد
شعبها ناس بتحب الحق.. عنده إرادة وعزمه حديد
محروسة مصر بإذن الله.. مهما تمر بوقت عسير
طمن قلبك مصر بخير
مهما يحاولوا ألف محاولة.. مصر هتفضل أجمل دولة
أرض سلام مش عايزة كلام.. يحكم فيها شرع المولي
محروسة مصر بإذن الله.. مهما تمر بوقت عسير
طمن قلبك مصر بخير
مصر أمانها حق علينا.. يبقي مكانها جوه عنينا
احنا معاها وروحنا فداها.. ولا يوم واحد تبقي حزينة
محروسة مصر بإذن الله.. مهما تمر بوقت عسير
طمن قلبك مصر بخير
سعيد إبراهيم السيد سالم