ساويرس عن بيعه ل"أون تى في": مش عاجبة النظام

كشف المهندس نجيب ساويرس رجل الأعمال، عن سر بيعه لقناة أون تى فى الفضائية، قائلاً: "قناة أون تى فى ما بتجيبش مصاريفها، وكانت صعب إنها تستمر لوحدها، وأنا ما عنديش استعداد اعمل قنوات أفلام مسلسلات وأغانى علشان تصرف عليها؛ لأن اتجاهاتى سياسية فقط".
وأضاف فى مداخلة هاتفية مع برنامج "العاشرة مساء"، المذاع على فضائية" دريم": "بصراحة كده إحنا لا عاجبين الفلول ولا الثوريين ولا الحكومة ولا النظام، فهى مسألة واقفة على بالخسارة من كل ناحية".
وتابع قائلا: "لا الفلول مبسوطين ولا الحكومة مبسوطة ولا النظام مبسوط ولا أنا مبسوط"، مضيفا: "ما حدش ضغط علي، لأنى شخصية لا يمكن الضغط عليها، وأنا أصلا متضايق من الوضع العام فى البلد إحنا كل ما نخرج من حفرة نقع ف دحضيره، زى ما يكون ربنا مش راضى علينا"، بحسب قوله.