"متقدرش على باسم يوسف"

أديب ل"النظام":

انتقد الإعلامي "عمرو أديب" حبس مؤسسي فرقة "أطفال الشوارع" على خلفية نشرهم لفيديو ينتقد النظام الحالي .
وقال "أديب" في برنامج "القاهرة اليوم" الذي يقدمه : "العيال (يقصد فرقة أطفال الشوارع) خدت 15 يوم زيهم زي أي حد قتل .. والعيال دي انتهت .. هيستلموهم جوة بقى .. يا حد بتاع مخدرات أو جهادي ".
وأضاف: "اتحبسوا 15 يوم ، وبعدهم 45 يوم والعيال دي مش هنشوفهم إلا بعد سنتين تلاتة .. وأنا ببشركم .. كل دول (مشروع جهادي) ، هما وعيلتهم وأصحابهم ومدارسهم وكل حاجة " بحسب رأيه.
وتابع : "أحب أقول للسلطات المسؤولة أن عام الشباب مش معناه أنك تسجن الشباب ، بالعكس دة معناه أنك تطلع الشباب اللي في السجن" .
ونشر "أديب" صورة ل"أطفال الشوارع" أثناء وجودهم في النيابة ، وعلق قائلًا : " الواد بيبص وفي عينه تساؤلات وجراح ، وبيقول ( دانا يا بيه تافه وكنت بهزر ، في ايه يا بيه ، احنا تعبانين أوي ، أنا مش باسم يوسف) ، لكنك متقدرش على (باسم يوسف) حتى .. والعيلين اللي عملوا البلالين مع الشرطة (يقصد أحمد مالك وشادي أبو زيد) محدش قربلهم .. أنت منتظر من الشباب دول أيه؟ "
الفيديو: