إعلان يحرض الفتيات على تعاطي «الحشيش»

تداول نشطاء على صفحات موقع التواصل الاجتماعي "فيس بوك" إعلانًا يطالب الفتيات بالكف عن القهوة والسجائر واستبداله ب "مكعبات مخدر الحشيش والكافيين" القابلة للمضغ, مع تأكيدات بعدم وجود أي آثار جانبية.
وجاء في الإعلان المثير للجدل إن "مكعبات الحشيش" تساعد على التخلص من الاكتئاب والحزن وتساعد عل الشعور بالسعادة وتشجع على الانحراف لمن يهواه", وختم الإعلان بقوله: "لا تترددي السعادة تنتظرك".
وأثار الإعلان موجة من الجدل على موقع التواصل الاجتماعي.
وقال أحمد بدر إن "الحشيش بقي مكعبات للبنات.. ونحن نعرض نفسنا للخطر عشان حتة ب 25 جنيه, وفي الآخر يقولك مجتمع ذكوري!".
وقالت ميرنا السيد لزميلتها: "لازم نجرب البتاع ده .. ده بيقولك يساعدك على الشعور بالسعادة والتخلص من الحزن والاكتئاب مش عايزين نتردد يا فتاة".
وقالت نينا حسن لصديقتها: "بيبيعوا مخدرات عيني عينك على الملأ وأنتي عارفة أد إيه من زمان نفسي أطلع المدمنة اللي جوايا, يلا هاتيهولى وإبسطيني".
وقالت أسماء فرج: "إنتوا يا جماعه بتتكلموا جد إزاي ! والمشكلة أن فيه ناس مؤيده الفكرة وحاباها وبتسأل".
وتابعت: "تشتري الحشيش ازاى, والمشكلة الأكبر إن فيه بنات بالفعل عايزه تشترى, إحنا بقينا فى زمن بندمر نفسنا بنفسنا مش عارفين يقضوا على الشباب ازاى ويموتوهم بالبطيء فسهلوا المهمة وعملولهم مكعبات مخدرة , لا برافو بجد بتعرفوا تدخلوا للشباب منين وتأذوهم إزاى , ودلوقتى العيل بدل ما ينزل يشترىى" بونبوني "يقولى هاتى ياماما اشترى مكعبات حشيش علشان ننبسط ونفرفش , ربنا يرحمنا ".