"مالك عدلي" ينفى إفاقة مصاب 25 يناير بعد أعوام من الغيبوبة

نفى الناشط الحقوقى مالك عدلى، ما تداوله عدد من المواقع حول إفاقة معوض عادل أحد مصابى ثورة 25 يناير بعد غيبوبة دامت 5 سنوات متواصلة.
وأبدى مالك عبر صفحته الشخصية على موقع التواصل الاجتماعى "فيس بوك" اعتذاره قائلا: "أنا متأسف جدًا.. أنا مش طبيب بس أنا مقلتش إن معوض فاق.. أنا قلت إنه بقى بيقدر يشوف ويسمع ويستجيب لشوية حاجات نسبيًا يعنى معدل الإدراك عنده زاد شوية..
وأضاف: ماعرفش دى إفاقة ولا لأ بصراحة مقارنة بالحالة اللى دخل عليها المستشفى.. فأرجو محدش يقول على لسانى كلام مقلتوش ومعرفش مدى صحته.. شكرًا".
وكان عدلى قد نشر على حسبه الشخصى فى وقت سابق قائلا: "من دقايق شفت أنضف وأنقى حد باقى لنا من ريحة الثورة.. معوض عادل مصاب أحداث محمد محمود.. الحمد لله الحالة بتتحسن.. معوض دلوقت بيشوف وبيسمع والنهاردة ضحك للممرضة.. كل اللى كان باعت سلام لمعوض وصلته وبست دماغه وإيده ورجله بالنيابة عن كل اللى سألوا عنه ولسه فاكرينه وبيدعوله.. متنسوش معوض ومتبطلوش تدعوله ربنا يتم شفاه على خير".