"أديب" يفتح النار على"منصور": "مدام محدش بيلمك أنا هلمك"

بالفيديو..

شن الإعلامى عمرو أديب، هجوما عنيفا على المستشار مرتضى منصور، عضو مجلس النواب، بعد الحملة التوقيعات التي تبناها الأخير لغلق برنامج "أديب".
وقال أديب، خلال برنامجه "القاهرة اليوم" على فضائية "اليوم"، يوم الاثنين، " مادام محدش بيلمك أنا اللى هلمك وأنا واقف قدامك ومش هسكت.. ولو تعرف أنا معايا أيه والله مش هتقعد فى مصر..أنت كنت على السرير يابنى..انت ناسى ولا إيه.. وعاوز يبقى رئيس لجنة حقوق الإنسان..متهم بقتل المتظاهرين فى 25 يناير، وإيده فيها دم فى الدفاع الجوى".
وأضاف أديب "مرتضى قلب على عكشه.. بيقلب على أى حد سواء ابنه.. بيبيع أى حد.. إنما أنا مبتبعش ولحمى مر ومكمل للآخر ويارب أدخل السجن ..أنا مش خدام ولا مدفوع لى فلوس ولا متجوز بنتك.. يا أنا يانت ومستعد أقابلك فى أى مكان راجل لراجل، واللى عنده بلاغات ضد مرتضى يقدمها.. محدش يخاف".
وتابع "لو أنت شغال عند مين.. أنا ومصر أهم وحرية المصريين أهم.. ولن نسمح بالتطاول مرة أخرى وأنا قاعدلك على الواحدة ومش هسيبلك غلطة".