تفاصيل «يوم عصيب» لزوجة أشهر مختف قسريًا في مصر

مها المكاوي أصيبت بصدمة بعد الكشف عن خطأ في اسم زوجها ضمن قائمة السجناء.. وتؤكد: اعتذار الداخلية مرفوض

كشفت مها المكاوي زوجة أشرف شحاتة المختفي قسريًا منذ أكثر من عامين عن تفاصيل "يوم عصيب" عاشته أمس بعد صدور تقرير يفيد بوجود زوجها بسجن الزقازيق، قبل أن يعلن المجلس القومي لحقوق الإنسان ووزارة الداخلية عن أن الشخص المذكور في البيان ليس زوجها بل شخص آخر.
وقالت مها في تدوينة مطولة عبر صفحتها الشخصية بموقع التواصل الاجتماعي "فيس بوك" امبارح يوم عصيب وحتي الآن مش قادره استوعب اللي حصل بعد ان هاتفتني احدي الصحفيات لتبشرني بوجود اسم اشرف في بيان المجلس القومي توجست فرحا ممزوج بقلق من طريقة عرض الاسم قفلت معها وكلمت عم جورج اسحاق للتأكد وفورا كلمت المحامي حليم حنيش وقالي فورا نتقابل عند مصلحة السجون ولما قابلته حسيت انه بيقولي مش هو يا مها احساسي كان كدا قالي عايزك تهدي ولازم نتأكد الاول وحصل فعلا اللي حليم خاف منه مش ده الاسم كلمنا عم جورج قال البيان اهو من الداخليه
وتابعت مها: "حليم قعد يسال ليه مكتوب اسم الشهره وايه المغزي من وجود اسمي في الكشف قررنا نطلع علي الداخليه بدون مقدمات وتم ماحكاه حليم في بيانه امس التفاصيل بقي اننا كلمنا المجلس القومي اكد ثم تراجع والداخليه قالت احنا ماردناش ثم قالت هانرد خلال ساعه او بكره في حاجه مش مزبوطه منين في رد رسمي للمجلس القومي ومنين في رد تاني خلال ساعه او بكره وشوية حاجات فيها كم التباس رهيب ومغالطات وتسخين الداخليه انها غلطة المجلس ولازم تحاسبوه
وأضافت: "الحقيقه هي غلطة الاتنين واعتذارهم غير مقبول بالنسبه لي واستمرار الازمه واللعب بالاعصاب مش هايسبب يأس بالعكس الحرب تشتد علي اوزارها اصرخوا واتكلموا وماتستهونوش ببوست وتقولوا عاجزين بوستاتنا اظهرت ناس كتير وفرحت بيوت حزينه وماتزعلوش اكيد هاييجي اليوم اللي افرح زيهم انا عن نفسي مكمله ومستمره ومش هااسيب حق اشرف وان شاء الله هايرجع بخير"