6 أبريل للشباب: "إحنا كتير ولازم نتجمع تاني"

قبل ذكرى الثورة

طالبت حركة شباب 6 أبريل، الشباب بضرورة نبذ الخلاف والتوحد مرة أخرى مثلما كانوا في ثورة 25 يناير، وقالت الحركة إن أكبر انتصار للثورة المضادة هى أنها فرقت الملايين التي نزلت الشوارع فى 25يناير، مضيفة: "البلد دى فيها أكتر من 90 مليون إنسان قوامهم الأساسى من الشباب".
وتابعت الحركة في بيان لها عبر صفحتها الرسمية على موقع التواصل الاجتماعي "فيس بوك": "ملايين الشباب فى البلد دى ناقم وساخط على الوضع المتردى اللى وصلتله البلد فى كل المجالات.. طاقة الحلم والأمل مبقتش موجودة.. اللى أحبط وبعد واللى سافر واللى بيخطط للسفر واللى انسحب جوا نفسه وعالمه الصغير.. المعظم فقد الأمل فى الحلم الجماعى بوطن أفضل وتغيير حقيقي أو أى تغيير أصلا وفى أفضل الأحوال اكتفى بالحلم بنجاح أو تغيير شخصى".
وأوضحت الحركة: "الثورة المضادة حولتنا لجزر منعزلة.. حولت الملايين اللى فرضوا ارادتهم لأفراد...ضايعة ومشتتة ومحبطة.. احنا كتير جدا بنحلم بالأفضل...احنا مش قليلين...دورنا بس نلاقى بعض ونتجمع من تانى وساعتها هنحقق كل أحلامنا".
شاهد الصورة: