تفاصيل أقوال وزير الزراعة السابق في التحقيقات

كل ده "محصلش واللى حصل انى اتخرجت في كلية الزراعة جامعة القاهرة عام 1970 وحصلت على دبلوم دراسات عليا بجامعة الأزهر وماجستير ودكتوراه من جامعة الأزهر وبعد ثورة 25 يناير تولى ايمن ابو حديد وزير الزراعة".. هكذا بدأ وزير الزراعة السابق صلاح هلال كلامه ردا على اتهامات النيابة العامة له بتلقيه رشاوى.
وأكمل قائلا: "حسب ما تم نشره في بعض المواقع" أنه تم اختيارى رئيسا لإدارة مركزية للمحطات البحثية ثم تولى الدكتور صلاح يوسف وزيرا للزراعة ثم الدكتور صلاح عبد المؤمن ثم عاد أيمن أبو حديد وزيرا للزراعة عقب 30 يونيو وحينها تم اختيارى رئيسا لقطاع شئون مكتب الوزير واستمريت معه حتى غادر الوزارة وعند تولى عادل البلتاجى تم ابعادى عن الوزارة وتوليت منصب رئيس الهيئة الزراعية المصرية التابعة للوزارة .

وفى 3 مارس 2015 تم اختيارى وزيرا للزراعة وقمت باستدعاء محى قدح واسندت إليه مسئولية الاعلام ومسئولية ترتيب الزيارات الخارجية وباعتبار خبرته فى العمل مع الدكتور ايمن ابو حديد وعقب قيام رئيس الوزراء بترشيح مساعديه من الشباب اتصلت بالاجهزة الامنية واستعلمت منهم ارائهم فى ترشيح محى وكانت اجابتهم بالموافقه وقمت بترشيحه مساعدا اول للوزير ولكنه لم يصدر قرار بعد وعقب تولى الوزراة بشهر ونصف كنت اقوم بدراسة اوضاع الهيئة ورؤساء القطاعات وتقييمهم وأنشأت مكتب لى فى هيئة التعمير وأصدرت قرار بتشكيل لجنة بمكافحة الفساد بالوزارة تضم اغلب المستشارين بالوزارة وعضو بالجهاز المركزى للمحاسبات وعضو بالرقابة الادارية ومباحث الاموال العام لدراسة الملفات التى تعرض على الللجنة وكنت رئيسا لها .

وعقب ما توليت الوزارة مباشرة حضر لى أيمن الجميل الى مكتبى وتقابلت وكان معه محمد فودة وانا كنت اعرف ايمن الجميل لان تقابلت معه حال شغلى منصب رئيس هيئة الزراعة وكان حديث معه عن اماكنية استيراد اسمدة لتعويض النقص في المحصول الصيفي من السماد ومحمد فوده اعرفه لانه زارنى فى احدى المرات عندما كنت رئيسا لمكتب شئون قطاع الوزير وارسله لى الدكتور ايمن مع محى قدح على اعتبار انه تقابل مع الدكتور ايمن وتحدث معى فى هذا اللقاء عن المعامل الخاصة بوزارة الزراعة وانشاء معامل بالمانى خاصة بالحجر الزراعى تخدم المستوردين.

وعرض على ايمن الجميل انه يمكن تجهيز هذه المعامل على حساب المستوردين وهو منهم تسهيلا لاجراء الفحص المعملى للذرة وما شابه وفى هذا اللقاء لم نتحدث عن اى شئ بخصوص شركة كايرو ثرى اية وبعد ذلك حضر محمد فودة الاسراع فى اجراءات وضع اليد له على قطعة ارض مملوكة شركة كايرة ثرى اية مساحة 2500 فدان بطريق وادى النطرون واكد لى ان الارض ملكة وهو حاصل على موافقة الدكتور عادل البلتاجى على سداد الرسوم المستحقة لاجراء المعاينات اللازمة وكل اللى عايزة الاسراع فى انهاء الاجراءات لأن الهيئة مشاكلها كتير ومفيش حد بيمشي حاجة وقاللى ان وضعه سليم ومعندناش اى خلل لكن الفكرة كلها فى الاسراع الاجراءات وانتهى لقائي معه .

وتحدثت مع هشام فاضل وقلت له اننا بصدد استرداد مستحقات الدولة طبقا لتوجيهات مجلس الوزراء واى حد ليه حق يخده ويسدد المستحقات اللى عليه واى واحد وضعه غير قانونى يخبط دماغه فى اى حاط وكان الدكتور محى قدح دائم الحديث معى ان محمد فوده تحدث معى اكثر من مرة لتقنين وضع اليد على الارض وعايزين نخلصه وكنت بقله زى القانون ما بيقول والاجراءات القانونية فى هذا الشان لغاية ما جالى تليفون من احد الصحفيين غيير متذكر اسمه وانا كنت وقتها فى اسكندرية وبلغنى ان فى لجنة نازله لمعاينة الارض لكايرو ثرى اية واعلمنى ان القصة بها مخابرات وانا اتصلت باللواء اشرف عبدالعزيز رئيس الهيئة وسالته عن اللجنة اللى نازله فقلى ان مفيش لجان فكلمت المهندس هشام فاضل وشالته عن اللجنة قالى ايوة فى لجنة نازله انا جالى جواب من اللواء اشرف عبدالعزيز بتشكيل لجنة لمعاينة الارض وانا شكيت في الموضوع .

وطلبت من هشام فاضل انه ينزل لوحده يعاين على الطبيعة بدون ما حد يحس بيه ويبلغنى الوضع اية وفعلا نزل واخبرنى تليفونيا واخبرتى تليفونيا ان الارض مزروعة زراعة تامه بمساحة 2500 فدان وسالته عما اذا كان اجراء تقنين وضع اليد والطلب المقدم من الشركة صحيح فاكد لى ان الاجراء صحيح 100 % وطلبت صورة من ملف الشركة واعطيته لمحى وطلبت منه تسليمه للرقابة لفحصة وبعد ما هشام نزلللمعاينة اتصل بى محمد فودة وقاللى هل هناك مشكلة فى الارض عشان هشام فاضل ينزل يعاين وانا قلتله دى اجراء طبيعى وناس بتشتكى وقولتله دى معاينة كويسه وان الارض منزرعة وكل حاجة تمام فطلب يقابلنى بمكتبى فوافقت.

وبالفعل حضر ودار حوار حول الارض وطلب تعجيل الاجراءات وانا قلتله ان الوضع الصحيح هو اللى هيتم واحنا فى صدد تقنين اوضاع الناس كلها وفى الوقت دة كان محى قايل لى اننا وهو نشترك فى النادى الاهلى وانا وافقت وفوجئت ان محمد فودة بيقلى عايز تشترك فى النادى الاهلى فانا قلتله ايوة وخلص اللقاء على كدة واستمر الحال على هذا الوضع وفودة بيتصل بمحى عشان يستعلم عن الاجراءات اللى تمت وكان محى بيبلغه وانا بقله كل الامور ماشيه خلاص وبالفعل محى جابلى استمارة عضوية الاهلى واديتوا المستندات المطلوبة واديته مبلغ حوالى 50 او 70 الف ومحى قاللى انه هيدفع باقى المبلغ وانا هابقى اديلوا لان المبلغ فى حدود 100 او 125 الف وبالفعل محى جابلي الكارنيهات والايصالات .

وطلبت من محى ان يشترى لى بدلتين لانى كنت جايب بدلتين من الكويت مش عاجبنى ومحى قاللى هايجيبهم وبعدين يحاسبنى عليهم معرفش من محل اية وجايب لكل بدلة قميص وكرافته ولما قستهم طلع ان فى مقاسات واسعة وبعته للتارزى البيت يظبط المقاسات وكان محى هو اللى بينزل ويغير لغاية ما استقريت على 8 بدل اللى لقيتوهم عندى فى البيت والكرافيتات ومحى هو اللى اتولى الموضوع دة لغاية يوم رحت معاه انا وابنى هلال بالليل على محل البدل لانى كنت عايز اشترى لابنى بعض الملابس الكاجول لان كان عندى مرور على مزارع فى المحافظات ومعنديش لبس كاجوال وساعتها جبت 3 قمصات وتى شيرتان وابنى خد حذاء تقريبا والناس اللى فى المحل كانوا عارفينه وخدت الحاجة انا وابنى وطلعت .

ولما خرجت قلت لمحى الحاجات بكام فهو قاللى انه هيحاسب وانو هيحاسبنى بعد كدة وانا محاسبتوش حتى الان ولا الحاجة اللى قبلها وهو مقليش تمنها كام وفى شهر خمسها اللى فات التليفون بتاعى بدء يعطل فطلبته منه يجيب تليفون بخطين فلقيتة جابلى تليفون بخطين او تليفونين واحد ايفون ماكس والتانى هوواى بخطين وهو كان جابلى الايفون الاول وبعدين قاللتله عايز تليفون بخطين فجبلى الهاوواى بعدها باسبوع لما قلتله بكام قاللى التليفونين دول من البيت عندى ودول هدية وهو ما قليش على تمنهم وفى شهر رمضان ان اعزم افراد اسرتى على الفطار فى اى فندق جنبى وقلتله يجيب مراته واولاده فحجزلى فى فندق بالتجمع وكنت انا وزوجتى واولاى واختين البنات ومحى ومراته واولادة وكان حاجز لينا حجرتين فى الفندق عشان لو حد حب يصلي او يدخل الحمام وكلمنا صاحب الفندق جاه ووجب ورحب بى وبمحى .

وكان محى حاجز باسم هلال ابنه ومحى هو اللى حاسب وانا لسه مدفعتش له الحساب ومعرفش الحساب كام وبرضه طلبت تاشيرات حج لى ولزوجتى واختى وجوزها وبنتى واديتلوا جوازات السفر على اساس اننا لو طلعنا الحج نكون كلنا مع بعض وبعدين بعت جواب بيهم للسفارة لان من ايام الدكتور ايمن ابو حديد اعرف ان كل الوزراء ليهم حصة بياخدوها من السفير ومحى قاللى انا هاتصرف بس هات الجوازات وانا لم اتابع معاه ولم اعلم ما الذى حصل وانا مكنش في نيتى احج الان ولا زوجتى انا كنت عايز اخلى اخويا يحج على حسابى لانه اصم وابكم اما اختى تتحمل تكاليف سفرها وانا قلت لمحى لو هنطلع نطلع كلنا سوا وفعلا انا بلغت والدته لو هاتطلع نطلع معاها ولم اتابع مع محى وشهر رمضان اللى فات كنت فاتحت محى ان محمد ابنى عايز شقة جنب اخوة فى هضبة الاهرام وانا لما كلمت محمد ابنى فى الكويت قاللى انه ممكن يبيع شقته ويشترى فيلا نسكن فيها كلنا .

وطلبت من محمد يدور لنا على فيله وهو كلم غوده فى الموضوع دة ولقيت فوده بيكلمنى زقاللى اننا عندنا فيلل فى بالم هيلز تعالى شوفها وحددنا موعد يوم جمعه فى شهر رمضان قبل الصلاة وتقابلنا عند هايبر 1 وركبنا معاه انا وزوجتى والبنتين فى عربية محى وعندها تقابلت مع محمد فوده وتقابلت شخص اخر يعرف فودة وتقابلنا عند ه على فيلتين واعترضت على الاولى لان فيها سلم داخلى والفيلا التانية لقيتها نفس النظام وانا قلت لفودة المكان هايل وجميل بس مش هيناسبنى والاسعار عاليه جدا انا عايز فى مكان لو حتى عمارة فيها شقتين وصيدلية لبنتى واو قطعة ارض نبنيها يكون تمنها رخيص وقالتله الماكن ميلزمنيش ومشيته وفوده مقليش على سعرهم ومفيش اى كلام حصل بينى وبين الراجل اللى معاه اللى كان بيفرجنى على الفيلا.

وكان معانا ابنى واتفرج على الفيلتين وقاللى المساحات دى هتلاقيها غالية جدا وانا بعد كدة كلمت محمد الالفى مدير الاسكان لكى اشترى شقة لابنى من البنك وفعلا جابل لابنى شقه فى 6 اكتزبر وابنى شافها لقاها بعيدة وبعدها بحوالى 20 يوم كان ابنى جاى من الكويت فاتصلت تانى بمحمد الالفى فقلى ان فى فيلا موجودة بالتجمع امام الرحاب وانا رحت فى يوم المغرب واتفرجت عليها وكان السلم داخلى ولم نشترى شئ واللى عايز اقوله ان مفيش اجراءات تمت لشركة كايرو ثرى اية بشأن تقنين وضع اليد ولم تصدر عقود اى تقنين اوضاع لهم او لغيرة لاننا كنا عارضين الموضوع على مجلس الوزراء وتم تكليفى انا ووزير العدل لوضع الضوابط القانونية ومن المستشارين للهيئة وبالفعل عملنا اجتماع مع وزير العدل واتفقنا على وضع الشروط والضوابط المقننة لوضع اليد لكافة الناس .

وبناء على تكليف من رئاسة مجلس الورزاء فى استرداد حق الدولة ممن قام بتغيير النشاط من زراعى الى سكنى قمت بالاتصال بمستشار قاضي التحقيق في قضايا فساد وزراة الزراعة وطلبت منه ان يحضر كشف بتلك القضايا وننزل على طريق مصر اسكندرية الصحراوى لنعاين على الطبيعة فى هذا اليوم ونستكمل تباعا حتى نستطيع التحقق من الأراضي التى تم تحويلها لمنتجات سكنية ونطبق ما تم اتخاذ من اجراءات لمجلس ادارة الهيئة وان يكون سعر المتر 500 جنيه وبالفعل زرنا 6 مواقع وكانت الزيارة بالامس وكان هناك زيارة اخرى الا ان السيد رئيس مجلس الوزراء واستدعانى وطلب منى الاستقالة وتقدمت بها على الفور وفوجئت بالقاء القبض على.